Skip to content
Lyric
Dive
Public playlists
My playlists
Search
Sign in
بالورقة والقلم
Syco
Popularity · Low
+
🇦🇪 Arabic · Original
0
0
YouTube
Searching YouTube...
Lyrics
Original
Translation
Bilingual
فجأة دخلت دنيا أول ذكرى دونتها
بعد ليالي عيون الكل فيّا بقت تتعدى
دعوا لمن تعبت عدت سنين كبرت
فاهم حياتي لعب زمن الطفولة عدى فجأة
عكست الصورة في انعاكسها كنت اتأمل
ساوت نتيجة والفهم لسه ما قادر يوصل
سابح في كون ملغم داير معاني أفضل
عشان أطبق المعلومة إلا أفشل
كبرت كبر معاي من كان صغير
فهمت ان الدنيا ما هي إلا الحب للغير
أكرمت الفقير فيها عرفت كيف الخير
لكن لقيت الناس تاكل في بعضها زي الطير
إتعجبت كبرت فيها واتغيرت
لولا استعجابي ما كان فكري اتغير للحظة
ماسك كتاب قرأت مثقف بس جهلت
إن الحياة براها مدرسة فيها اتعلمت
ايام الصغر إنسان صغير ما فاهم إلا الحولي دول
اكبر وافهم شوفت الإنعكاس في الصورة والقانون
كل النوايا الطيبة انعكست ليه نشوف الخير معدوم
حياة ما تدوم دنيا نهايتها عملك داخل تابوت
كل يوم معلومة منها بستفاد
واخد جرعة ثقافة زايده من وساخة الناس
وين الإخلاص يا ناس الراجي موت والده عشان ميراث
والهدد أخوه عشان المال بطلقة رصاص
غابة فعلا غابة والبيتذل بيسف ترابها
لو تمد إيدك بالخير تشوف عكس القالوه في اخلاصها
الحقد فيك بيزيد والناوي ليك في السر
ما تشوف منهم جديد إلا بس يوصلك الرزق
الفرق شوفته وفي انعكاس الصورة حفظته
القال جنبك واقف مع حلمك إنت تبني وهو يهده
مهما سويت مصيرك قبر فيهو وحيد
مافي حاجه بتبقى ليك غير أعمالك بس تفيد
واقع نجس حتى أقرب الناس ليّا باعوني بقرش
ابني المفروض ابني يتمنى اموت عشان يستلم الورث
عايش وكلت أمري راضي بالكاتبه ربي
حتى أولادي القولت يقيفوا جمبي وقفوا ضدي
كل شئ إتوقعته طيب بان لي العكس
الطفل الكان صغير بقى عجوز وفاهم النص
بزيد في العمر والسنين تمر حتى وصلت
مرسى العجز البيهو قاعد مكاني ما اتحركت
كل الأحباب فقدت سنة حياة فهمت
راجي حسن الختام حسناتي بيها أكون في الجنة
يا ابن ادم الدنيا هذه كلها فانية
أعمل خيراك في دنياك أعمالك هي الباقية
ايام الصغر إنسان صغير ما فاهم إلا الحولي دول
اكبر وافهم شوفت الإنعكاس في الصورة والقانون
كل النوايا الطيبة انعكست ليه نشوف الخير معدوم
حياة ما تدوم دنيا نهايتها عملك داخل تابوت