Su ballitu cadenzadu (A ballu tundu)
Tenore Antonia Mesina Orgosolo
Popularity · Low
Listen
YouTube
0:00 / 0:00
Loading YouTube player...
Lyrics offset
Synced
Lyrics
su ballittu cadenzadu
ballade, comare mia:
milligrascias dare dia
a chie l'at inventadu
ischirighia! comare
chene per una birgonza:
ca preideru cun monza
custu lu poden ballare:
no est ballu 'e matt'appare
est ballu chena peccadu.
Santus l'an aer balladu
cando fini in custu mundu
millu mi su ballu tundu
Su ballittu cadenzadu
tundu su ballu, perdeu!
tundu che-i s'arzola e trigu
millu mi su ballu antigu
chi balleit giaju meu
pro render grascias a Deu
e cun giaja in cumpannia
custa si ch'est poesia
de s'antiga zente onesta!
custa si ch'est sarda festa
ballade comare mia!
chena birgonza peruna
ballade paianas bellas
Goi balan sas istellas
subra s'arzola 'e sa luna
goi ballat sa fortuna
cun coas de fantasia
Ajo bellas, ischirighia!
che cando fimis minore
ballemus. A sos mazores
milli grascias dare dia!