Elhut Akw Tweka
Popularity · Low
YouTube
Searching YouTube...
Lyrics
Cfiɣ yiwen n wass di lexrif
Waleɣ kra n yimdanen
Msetvaɛen rrif rrif
Iɣunam deg yifassen-nsen
Ɣilleɣ ttektilin asif
Ziɣ d lḥut i ttseggiden
La sseḥsaveɣ di lmux-iw
Ufiɣ kulci deg-s yexleḍ
Sliɣ i ssut deg yimeẓẓuɣen-iw
Awal iǧawev-d wayeḍ
Yenna-as yiwen uḥutiw
I twekka ansi i d-truḥeḍ
Tawekka la t-ttergigi
Di lmut-is la tettraǧu
Tenna-yas: " ruḥ baɛed-iyi
Nekki deg-i daɛwessu
Ma yella teččiḍ-iyi
Ula d kečč ad ak-terzu!"
Yenna-yas: " nekk ad kem-ččeɣ
Ad tsafreḍ mebɣir aɛwin
Nekkni akka di lḥuma-nneɣ
Ad nɛic s lqeḍra n weḥnin
Kull ass lmektuv-nneɣ
D aman i t-id-yettawin "
Tenna-yas: "ma tḥesseḍ-iyi-d
Ad ak-neṣḥeɣ ma iyi-tamneḍ
Nekkini ceyyɛen-iyi-d
Yessi ara tettwiṭṭfeḍ
Di tṣennart cudden-iyi-d
Ma ad-iyi-teččiḍ ad tmeččeḍ!"
Aḥutiw yezzi iḍewwer
Icumm la tettraḥ lmut
Yetḥeyyer yevɣa ad iẓer
Ma ifukk di ddunit lqut
Lerzaq akk yellan di lberr
Amek alamma glan s lḥut?!
Tǧawev-it-id twekka
Tenna-yas: " Fukken lehdur,
Di ddunit si zik akka
Siwa tiḥila d ẓẓur
Am wass-a am uzekka
D bunadem i d bu-leɣrur"
D tamacahut d lmeɛna
Ɣef twekka akked lḥut
D acu i d ssebba n lmeḥna
Tekka-d seg mmi-s n tmeṭṭut
S tḥila akked ṣṣenɛa
Yettawi yides lmut