Skip to content
Lyric
Dive
Public playlists
My playlists
Search
Sign in
Noseconossemo
Herman Medrano
Popularity · Low
+
Original
0
0
YouTube
Searching YouTube...
Lyrics
Original
Translation
Bilingual
Eà conoscensa xe a to disposission
Xe par ti, ma no xe tua
Ghe xe el ris-cio che te trovi a verità
Mejo sarìa rivare preparà
Ben oltre e nostre superficiaità
Ghe xe altro che un mondo, sito pronto?
Eà conoscensa comporta dee grandissime responsabiità
Ehilà, te me ghe visto, scoltà
Ma na roba xe un quadro naltra un fojo spotacià
Come senpre no go maestri, santini o eroi
A xente che stimo no ga el muso xe sora i francoboi
Franco, buto xo un mureto de ilusion
Ma co passo ae conclusion, no cato che deusion
No senpre vestire l'armadura xe conveniente
Co se va a fondo se va pi veocemente
Pronto, so Medrano e desso rivo co a band
The Groovy Monkeys, yes yes, zio ken
No ghemo paparassi, un fià de cagacassi
Ga veri cassi chi lancia sassi contro i lanciarazzi
Tacà eà realtà, la assumo legalmente
In realtà eà realtà xe realmente stupefacente
No manca strumenti e anpie menti
Ma tuti voe canbiare sensa fare canbiamenti
Dai che 'ndemo, e robe canbia se canbiemo
No xe che no te o se, xe che no se conossemo
Mi co mi, ti co ti, mi e ti col pi semo
Pi semo interconessi e pi se conossemo
Ma se col seco semenemo e no se ne curemo
No xe che no te o se, xe che no rancuraremo
Che soeo se savemo e trasmetemo se salvemo
No – se – conossemo!
Xe na nemesi, se sente meno se co semeno te meno
Nel to canpo dee ipotesi?
Buto el giusto humus, vangheto e speto
Un tenpo pal rosso e uno pal biancheto
L'aconto, el conto, el rendiconto
Ritento ridendo te a conto tanto par rendarte conto
Se conossemo poco, forse e scarsee
Forse se pensa ad altro co se pensa ae buee
Pronto so el to fegato, parlo a nome de l'intestino
Dime sito mona e proprio cretino?
Stomego e pancreas fa el lavoro del mueo
Se no te i conossi i toe pal cueo!
Mi so goeoso, go fame de conoscensa
Bramoso de roba diversa, serta roba no me intaressa
So qua par dite e par date, ma i dati che t'o dato
Ti li deto in dote a dee persone adate?
Dai che 'ndemo, e robe canbia se canbiemo
No xe che no te o se, xe che no se conossemo
Mi co mi, ti co ti, mi e ti col pi semo
Pi semo interconessi e pi se conossemo
Ma se col seco semenemo e no se ne curemo
No xe che no te o se, xe che no rancuraremo
Che soeo se savemo e trasmetemo se salvemo
No – se – conossemo!
Convinsion? mah, no xe peso e convension?
Condission sensa scelta quindi in fondo costrission
Semo dentro un mecanismo maedeto
E anca ti te si in rete, si, so eà rete del leto!
Esausto, esasperà da sta situassion esamino
Esanime, no so stare stare al xogo dei sens'anime
Xente, sensa memoria, quindi sensa storia
Sensa dubio sensa un senso, in serca soeo de gloria
Pronto, so a to vita, ciapa dee decision
Se no te te decidi o fasso mi, goldon
Comissia dal poco, date na priorità
Te ghe confuso l'equiibrio co l'imobiità
Soprafati dal costante, dal circostante
E dae circostanse circa el costo del contante
E xe persone conposte, che no se conforma
Dito sul serio? mi me pare che i dorma