Saddamalaaf
The Piano Has Been Drinking
Popularity · Low
YouTube
Searching YouTube...
Lyrics
Akt
Woröm moot hä och usjerechnet op Fastelovend
Als Saddam Hussein en uns Weetschaff kumme
"Luur do kütt dä Arafat"
Säät dä Weet un wedelt sich de Schuppe vum Ärmel
"Dä däät jrad noch fähle"
Analysiert dä Clown un schnallt sing decke Trumm aff
"Määste noch ene koote? Ävver met Olive"
Postuliert Ignazius un wandelt zum Seckes
"Tach Herr Hussein"
Fletscht die Zigeunerbraut und bezupft ihre Schulterpölsterchen
Un Saddam luurt sich koot em Lokal öm
Un jeht dann schnurstraks zu däm Matros
Klopp ihm öhntlich op de Schulder un säät zu däm Weet:
"Güddendooch, Herr Wrrt. Gänsefleisch zwee Gölsch machen?"
Woröm nur woröm .
(2. Akt)
Woröm moot hä och usjerechnet op Fastelovend
En tiefstem Sächsisch metsinge
"Das macht neun Milliarde ävver harte D-Mark"
Säät dä Weet un stellt ihm en Fläsch Livio op de Thek
"Wenn dä mich noch ens ahnpack do fällte"
Erwägt der Matrose un schött sich e Stöözje en d'r Kopp
Die Zigeunerbraut övverprüf em Vitrinespejel ihre Haarkreation
Un schött sich dann ne Veedel Liter Sabatini en et Dekolltee
"Dä Bush hätt se all plattmaache solle"
Bedauert dä Clown un wisch sich övver de Muul se dat
Dä Leppestiff bes an et räächte Ohr schmiert
"Wat es met minger Olive"
Hinterfragt Ignazius un määt sich de Botz zo
Un Saddam Schnapp sich die Fläsch Livio
Prostet däm Matros zo un jeht dann zu dä Käätzemöön
Läät ihr dä Ärm öm de Scholder un singk met
"Öleee mr sinn im Büff von Barzelönoh ölee"
Woröm nur woröm.
(3. Akt)
Woröm moot hä och usjerechnet op Fastelovend
Uns Wiever zum Bauchtanz opfordere
"Dat kann sich doch keine normale Minsch met ahnluure"
Säät dä Weet wäässelt de Kassett un määt lauter
"Maach bloss wigger su Sportsfreund"
Murmelt dä Clown un lööt sing Fingerjelenke knacke
"Du kanns die Olive och wegloosse"
Resigniert Ignazius un lapp sich beleidicht dä koote ne dä Hals
"Wat es dat für e Kostüm? Dat hann ich doch irjendwo schon ens jesinn"
Frööt die Käätzmöön: "Es dat dä Möllemann?"
"Hulla Hupp" jauchzt die Zigeunerbraut und aktiviert sämtliche Hüften
Zum Rhythmus von Rucki Zucki
"Ich jläuv he jiddet hück noch Lampe"
Prophezeit dä Matros un bestellt sich noch ene Mariacron
Un Saddam jeht an de Thek Pack e Stöck schwatze Afjahn us
Un fängk ahn sich ene Joint ze driehe als plötzlich
Kaiser Wilhelm us d'r Damentoilette kütt
"Mensch Willi meen Guudster du wolln wr een durchziehn?"
Woröm nur woröm
(4. Akt)
Woröm moot hä och usjerechnet op Fastelovend
Bei uns en d'r Weetschaff et Haschischrouche aanfange
"Zur Mitte zur Titte zum Sack zack zack!"
Skandiert Kaiser Wilhelm un schleit de Hacke zesamme
"Nä nä dat es nit dä Möllemann..."
Stellt die Käätzmöön fess un klatsch haarscharf am Rhythmus vorbei
"Olive? Kaasch suwiesu nit ligge"
Gesteht Ignazius un fängk ahn ze schiele
"Hulla Hupp!" rapt die Zigeunerbraut un määt sich de Hoor op
"Lampada!"
"He du Irre!! Für dich es jetz he Ramadan!"
Säät dä Weet zu Saddam un zeich zur Düür
"Husch husch Nejer in'n Busch!"
Resümiert Kaiser Wilhelm un bejrapsch die Zigeunerbraut
"Kumm Lang, Operation Wüstensturm! Ävver jetz richtich!"
Säät dä Clown un schnapp singe Knöppel vun dä dicke Trumm
"Am beste direk voll op die Zwölf!"
Empfiehlt dä Matros un steht vun singem Barhocker op
"Express! Stadtanzeiger!"
Blöök dä Expressmann un frööt Saddam op hä ens trecke künnt
Un Saddam föhlt sich plötzlich mirnix dirnix vun vier kräftije Häng
An d'r Schulder jepack zur Düür jedaut un säät
"Düfte! Bölönäse! Bölönäse!"
(5. Akt)
Woröm moot hä och usjerechnet op Fastelovend
An däm läpsche Schädelbasisbruch hopsjonn
E paar Daach Koma
Hädden et doch och
Jedonn