Skip to content
Lyric
Dive
Public playlists
My playlists
Search
Sign in
Natale A Pavana
Francesco Guccini
Popularity · Low
+
🇮🇹 Italian · Original
0
0
YouTube
Searching YouTube...
Lyrics
Original
Translation
Bilingual
Del volte i m'arcordo quíi Nadali
Quand'i ero un bambin:
La sfrúmmia del vacanze, dla valísglia
Al sconsummo dla strada a la stazion
A pée, ma alora a s' caminava verodío
E me babbo davanti con al peso e mí e mé madre'ddré
"Modna, stazion 'd Modna"
E 'na zízzola (maremma can) col braghe corte
E 'na nebbia ch'a t'inzupava al córe
E t'a l' stricava
Per avertase quando 'd sovr'al colle
L'aparizion dla Madonna su a San Lucca
A t' disgeva ch'l'era ariva' Bologgna
Babbo, perché noialtri a 'n se sta ed ca' a Bologgna?
Eee, magara!
E po' piazale Ovest
Ghiggne e chiàccare con vosgi che col treno
Ed colpo già i m' portavan' su i mée monti
El sudava al vapore e quando ed rado
Lascia' cl'altra stazion
S'entrava in galería
Al fummo a s'inflitrava int al vagon
E a l' rempiva i polmon
E s'a t' sopiavi al naso
L'era móccio e carbon
E neve, tanta neve, bianca e fina
E neve, tanta neve, tanta neve
Fin a la Venturina
D'là dal fiumme a i era
Al monte dla mé Pavna
La sóo magia
E la mé forza e la mé fantasia
E giò dal treno, zia Rina la c'aspetava
L'era andada comprare l'anguilla dla vigília
Zia Rina la disgeva:
"Via, via, ch'l'è belle buíio!"
Per Nadale la notte la vén presto
E via che 'd strada, tanta
A i né ancora da fare
A pée, ma l'era tutt'un caminare
Cla strada belle fatta tante volte
Fra dóo montaggne 'd neve
E in ca' i i'eren tutti
Nonnamabília a i era
Zio Rico, Nonno Pietro e Zia Teresa
Con i taselli 'd tavole 'd castaggno
E i sacchi amontina' lí'd fianco a i muri
E l'acqua ch'la scoreva dal botaccio per far andar el masg'ne
Per tridare el castaggne, robbanera, frumento e formenton
Che gran savore 'd bón
Che gran savore 'd bón
L'era, l'era ca' mia
I ero torna' a ca' mia
Al me fiumme, ai mée monti, al mé mondo
E Modna, e la só torre, l'eran armaste un soggno
Soltanto un brutto soggno, che al Limentra
Con la piéna d'inverno
A l'portava via
L'era, l'era ca' mia
I ero torna' a ca' mia
Al me fiumme ai mée monti, al mé mondo
E Modna, e la só torre, l'eran armaste un soggno
Che al Limentra
A l'portava via