Skip to content
Lyric
Dive
Public playlists
My playlists
Search
Sign in
Nashif
الفرعي
Popularity · Low
+
🇦🇪 Arabic · Original
0
0
YouTube
Searching YouTube...
Lyrics
Original
Translation
Bilingual
حاجز أمني قمعي، حجب على أفكاري
عملوا مني مصاري لإني عم بدوّر ع داري
مكنتش منتبه إنه إصراري إله هدف تجاري
فبالتالي مؤيد معارض صار سؤال استنكاري
بدكم وضوح أكتر
بقدر أعبر عن شعب أجبر على دخول مرحلة أخطر
مراحل فواصل، حال متواصل أبشر
حلل نظّر، طفل بدرعا متفزر
مرمي بالشارع وإحزر مين الممول؟
كل ما تتنوع الأجوبة، اعرفوا إنه وضعنا مطول
هلأ بدكم تعرفوا مني أنا بالظبط مع مين
الغريب إنكم خايفين من الإحتلال وإحنا مُحّتلين
العجيب بعواصم الغرب إنهم بربيعنا متسليين
عنا إبصر شيوخ السلاطين شو بقولوا للمصليين
ناشف، ناشف
وكل ما حدا بيستفسر بنجاوب من قفا الإيد
ملاحظ وعارف
بس ما بقبلها من اللي وصلني لهيك، فما استنيت
لو إني استنيت، تمالكت أعصابي وما دخلتنا فالحيط
ناشف
قلّي شعبك ناشف، قلتله ناشف كيف
قلّي شعبك ناشف، قلتله إحنا هيك
وما استنيت، لو إني استنيت
تمالكت أعصابي وما دخلتنا فالحيط
ناشف
مش ضروري تقوم تصيّح
مش ضروري تقوم تصِيح
مش ضروري تيجي تفجّر
مش ضروري تهد البيت
ولو إنك مش جاي تغيّرني
لو إنك تنزل عندي فالبيت
أشياء كتير بتضحكني
الباقي هيو حواليك
فلا يروح مخك لبعيد
هذا اللي على وجه الشعب مجرد تجاعيد
الشعب العربي قرر يلفظ كلمة حرية
أسرة بالأردن انقسمت نصين على سوريا
الصراع فكري فشككونا بثورة تونس
وقالوا عن الجزائر والمغرب إنها بلاد بتقومش
باليمن أمريكا لقت للشباب حل بديل
في البحرين إذا كنت من الأغلبية بقولوا عنك دخيل
قانون جديد في الكويت عشان يقعدوك في البيت
لما قالوا ليبيا صارت زي العراق انجنيت
قمت حكيت بس فلسطين ما كانتش على البال
بتمنى أي عربي ماشي بالإمارات يتذكر الصومال
بلبنان الناس تعبت من الآراء المتفارقة
الإنقسام بالسودان خسرنا إخواننا الأفارقة
أسر ضحايا الجفاف بجيبوتي ظروفهم حارقة
والسعودية لو أرادت بتكون قوة خارقة
خجلان أقول لأي حدا في مصر يتحلى بالصبر
من عُمان لموريتانيا، القهر لجزر القمر
وطني حبيبي الوطن الأكبر
كل ما أشوفك على التلفزيون عيني بتحمر
بتمني قطر تبعتلي قطرة على شان أتقطر
لإنه كف الإنجليز لساته على وجهي مسطر
فبدي أبطل أحكي بالعقل والجنون
العظمة النغمة العامة مؤامرت وظنون
عربي أصلي عالتلفزيون بصورة عشوائية
لأ عربي هون فنون أدائية
لإنه هاد مايكروفون على شكل بندقية
كيف انقلبت الطاقية بس بصورة بدائية
ماذا نحن بفاعلين في المراحل القادمين
هل نحن بمستعدين لإقناع المترددين
سياسة دين، خلافة مين، إزالة رجيم
أتى بإنقلاب ليحكم من سنين
كنت مع، ضد، حليف، ند
أكمن سنة لقدام الرؤية اللي في بالك بتمد
إذا ما في خطة عربية قولوا عشان نعرف وين الغلط
وزي ما أنت سامع اللسان العربي لسة ما فرط
وعلى فرض إنا استعدنا بعض من التواصل
من خلال شبكات التنازل عن التساؤل
الخطوط الحمر، الوجوه الصفر
الهنود الحمر بفلسطين حملوهم رايات خضر
رؤية زوال الاحتلال محاربين سمر
جايين من قارات سامعة مية مرة نفس العذر
مرحلة الطغاة اتبدلت بعمال مياومة
بس المرحلة القادمة عولمة المقاومة
ولو إنك مش جاي تغيرني
لو إنك تنزل عندي في البيت
أشياء كتير بتضحكني
الباقي هيو حواليك
فلا يروح مخك لبعيد
هذا اللي على وجه الشعب مجرد تجاعيد
ناشف