Skip to content
Lyric
Dive
Public playlists
My playlists
Search
Sign in
An Roghain Dàin Do Eimhir XXII (The Choice)
Julie Fowlis
Popularity · Low
+
Original
0
0
YouTube
Searching YouTube...
Lyrics
Original
Translation
Bilingual
Choisich mi cuide ri mo thuigse
A-muigh ri taobh a' chuain
Bha sinn còmhla ach bha ise
A' fuireach tiotan bhuam
An sin thionndaidh i ag ràdha
A bheil e fìor gun cual
Thu gu bheil do ghaol geal àlainn
A' pòsadh tràth DiLuain?
A' pòsadh tràth DiLuain?
Bhac mi 'n cridhe bha 'g èirigh
'Nam bhroilleach reubte luath
Is thubhairt mi: Tha mi cinnteach
Carson bu bhreug e bhuam?
Ciamar a smaoinichinn gun glacainn
An rionnag leugach òir
Gum beirinn oirre 's gun cuirinn i
Gu ciallach 'na mo phòc?
Gu ciallach 'na mo phòc?
Cha d' ghabh mise bàs croinn-ceusaidh
An èiginn chruaidh na Spàinn
Ciamar sin bhiodh dùil agam
Ri aon duais ùir an dàin?
Cha do lean mi ach an t-slighe chrìon
Bheag ìosal thioram thlàth
Is ciamar sin a choinnichinn
Ri beithir-theine ghràidh?
Ri beithir-theine ghràidh?
Ach nan robh 'n roghainn rithist dhomh
'S mi 'm sheasamh air an àird
Leumainn à neamh no iutharna
Le spiorad 's cridhe slàn
Le spiorad 's cridhe slàn