Skip to content
Lyric
Dive
Public playlists
My playlists
Search
Sign in
Hemmige
Stephane Eicher
Popularity · Low
+
🇩🇪 German · Original
0
0
YouTube
Searching YouTube...
Lyrics
Original
Translation
Bilingual
S'git Lüt, die würde alletwäge nie
Es Lied vorsinge, so win i jetz hie
Eis singe, um käi Prys, nei, bhüetis, nei
Wil si Hemmige hei
Si wäred vielicht gärn im Grund gnoh fräch
Und dänked, das syg ires grosse Päch
Und s'laschtet uf ne win e schwäre Stei
Dass si Hemmige hei
I weiss, das macht eim heiss, verschlaht eim d'Stimm
Doch dünkts eim mängisch ou, syg nüt so schlimm
S'isch glich äs Glück, ou we mirs gar nid wei
Dass mir Hemmige hei
Was unterscheidet d'Mönsche vom Schimpans?
S'isch nid die glatti Huut, dr fählend Schwanz
Nid, dass mir schlächter d'Böim ufchöme, nei
Dass mir Hemmige hei
Me stell sech d'Manne vor, wenn's anders wär
Und s'chäm es hübsches Meiteli derhär
Jitz luege mir doch höchstens chly uf d'Bei
Wil mir Hemmige hei
Und wenn me gseht, was hüt der Mönschheit droht
So gseht me würklech schwarz, nid nume rot
Und was me no cha hoffe, isch allei
Dass si Hemmige hei