Skip to content

مُرْيُا لْمَرْعِيتُخْ

Antoine Tahan
Popularity · Low
Original

YouTube

Searching YouTube...

Lyrics

ܡܳܪܝܳܐ ܒܰܩܝܳܡܬܳܟ ܡܫܰܒܰܚܬܳܐ ܕܡܶܢ ܩܰܒܪܳܐ ܚ̣ܕܺܝܘ ܥܺܝܪ̈ܶܐ ܒܰܫܡܰܝ̈ܳܐ ܘܕܳܨ̣ܘ ܓܽܘ̈ܕܶܐ ܕܢܽܘܪ̈ܳܢܶܐ ܘܝܰܒ̣ܶܒܘ ܗ̱ܘ̣ܰܘ ܬܰܘܕܺܝܬܳܐ ܙܰܕܺܝ̈ܩܶܐ ܕܡܶܢ ܩܰܒܪܳܐ ܕܒܰܩܝܳܡܬܳܟ ܩܢ̣ܰܘ ܣܰܒܪܳܐ ܘܢܽܘܚܳܡܳܐ ܘܚܰܕܽܘܬܳܐ ܝܰܘܡܳܢܳܐ ܓܽܘܕܳܐ ܕܰܢܒܺܝ̈ܶܐ ܗܳܐ ܪܳܘ̇ܙܺܝܢ ܒܟܽܠ ܦܶܢܝ̈ܳܢ ܕܶܐܫܬܰܡܠܺܝ̈ ܡܶܠܰܝ̈ܗܽܘܢ ܝܰܘܡܳܢܳܐ ܟܶܢܫܳܐ ܕܰܫܠܺܝ̈ܚܶܐ ܗܳܐ ܚܳ݀ܕܶܝܢ ܘܰܦܨܺܝܚܺܝܢ ܘܒܰܗܺܝ̈ܬܺܝܢ ܨܳܠܽܘ̈ܒܶܐ ܝܰܘܡܳܢܳܐ ܡܰܪܝܰܡ ܘܚܰܒܪ̈ܳܬܳܗ̇ ܣܰܒܰܪ̈ܝ ܗ̱ܘܰܝ̈ ܠܰܫܠܺܝ̈ܚܶܐ ܥܰܠ ܩܝܳܡܬܶܗ ܕܡܰܠܦܳܢܗܽܘܢ ܝܰܘܡܳܢܳܐ ܥܺܕ̄ܬܳܐ ܥܰܡ ܝܰܠܕܶܝ̈ܗ̇ ܗܰܝ̣ܡܶܢܘ ܗ̱ܘ̣ܰܘ ܒܢܽܘܚܳܡܳܟ ܘܶܐܫ̣ܬܰܪܰܪܘ ܒܰܩܝܳܡܬܳܟ ܘܗܳܐ ܝܰܘܡܳܢ ܡܰܪܥܺܝܬܳܟ ܒܟܽܠܦܶܢܝ̈ܳܢ ܕܰܒܪܺܝܬܳܐ ܙܳܡ̇ܪܳܐ ܠܳܟ ܬܶܫܒܽܘܚܬܳܐ ܡܶܢ ܗܳܫܳܐ ܘܰܠܥܳܠܰܡ