Efey Ayajrad , Invasion
Popularity · Low
Listen
YouTube
0:00 / 0:00
Loading YouTube player...
Lyrics offset
Synced
Lyrics
A lfahem ak nesteqsi
Ɣef lğğil n-At Qasi
ur yeḥkim ḥed aken llan,
si tizi alamma d-ttizi
ḥed ma ten i εaṣi
s-lbarud i tt-id-ḥellan,
asmi i sen irad s-trusi
cituḥ d-iɣisi
Cci nsen yegwrad ger yiḍan...
Effeɣ a yajṛaḍ tamurt-iw
lxir i d-tufiḍ zik yemḥa,
ma d-lqadi ik yezenzen
awid laεqed ma yeṣeḥa...
a yaxxam teduri tmurt
seqf-ik yecteḥ yaεra,
yal tamaṭ a d-tesrugmut
xerben lexyud deg ẓeṭa,
liser ur t-id beder xas rut
ays-it ur d-ibern-ara,
widen ak i d-yağğwen ttbut
fɣent-asen tirga mxalfa,
effeɣ a yajṛaḍ tamurt-iw
lxir i d-tufiḍ zik yemḥa,
ma d-lqadi ik yezenzen
awid laεqed ma yeṣeḥa...
win ara tt-ifrun ulac
yexleḍ, yemcubak yixef-is,
seg uɣilif fesden warrac
ur yaεqil baba-s mmi-s,
caren ɣef lqum n-rbaεtac
win d-itedun aketr-is,
uglan mi sden i tkerac
aḥezeb ihujer amḍiq-is,
effeɣ a yajṛaḍ tamurt-iw
lxir i d-tufiḍ zik yemḥa,
ma d-lqadi ik yezenzen
awid laεqed ma yeṣeḥa...
yal yiwen aken d-iseweq
s-leqrar ur d-glin-ara,
del yeččad lecqayeq
iḥar ad yeṭṭef tasga,
neḥḍer i tegmat tefreq
srebḥen-tt tefra rreḥba,
yettban w ass-agi a d-yelḥeq
yeḥsel wexlul di lɣiḍa...
effeɣ a yajṛaḍ tamurt-iw
lxir i d-tufiḍ zik yemḥa,
ma d-lqadi ik yezenzen
awid laεqed ma yeṣeḥa...
texuxed tegmat tuḍen
a tḥefu am yeẓra n-wasif,
tesber i way d-ittṣaṛen
tettagwad as tebru i nnif,
tiḥemmal i d-yenaɣlen
εebant-as yal d-aɣilif,
itij-is a d-yecrurqen
d-netta as yeskawen adif...
effeɣ a yajṛaḍ tamurt-iw
lxir i d-tufiḍ zik yemḥa,
ma d-lqadi ik yezenzen
awid laεqed ma yeṣeḥa...