揣啊揣RAP版
Popularity · Low
YouTube
Searching YouTube...
Lyrics
天空 海洋 山岭 河流 田园 老树 古厝 祖先ê智慧
天空 海洋 山岭 河流 田园 老树 古厝 祖先ê智慧
蒙蒙ê天空 乌乌ê海洋
变形ê山岭 染浊ê河流
填砂ê田园 锯掉ê老树
拆掉ê古厝 破坏无顾虑
是按怎 进步伊tiām-tiām牺牲
祖先智慧文明 渐渐消失 人民茫茫惯势
为怎样咸咸ê目屎 滴tī破碎 无煞停ê火
烧掉定册ê古迹
财团利益手段 (救命啊)
Huah kah大声求政府也无听
诉求ê白布条仔 表面接受调查
背后计划刀仔 现实tng-teh liô你ê肉
海鸟仔 飞入乌烟无leh转--来
台中ê空气beh䆀到啥mih境界
台西渐渐破病ê一个一个民众
不过你啊 选择留tī故乡
思啊想啊起~走揣gún祖先仔lán ê记持
思啊想啊起~囝孙仔lán ê跤步 是beh行tuì佗位去ooh
思啊想啊起~揣啊揣 揣lóng无 揣无转--去ê路tī佗位
地方变化 四界ing-ia tsit-má囡仔
幌千秋lóng挂喙掩 烦恼污染影响一世人
政府隐瞒目睭用手闸--起-来--ah
也对民众闸--起-来--ah
配合财团关心地皮炒--起-来--ah
啥mih市场 立场完全走啊样
拆掉乌面抐桮ê岫为著开条便路
使人感冒 面对为著反对反对ê人
为著心中想beh完成ê梦 守护水底海翁
Kám ē记--得 工场废水排放溪水流
树仔锯掉 山顶ê涂piànn uì庄仔头
都市开发征收草地后代揣无厝地来传家
无情ê风吹啊吹啊吹熄公妈厅ê火
为著囝儿序细 为著出世土地
为著祖先留--落-来ê文化 为著台湾更加美丽
为著影响你去影响伊 斗阵关心做伙证明
对抗不公不义 为著土地正义
思啊想啊起~走揣gún祖先仔lán ê记忆
思啊想啊起~囝孙仔lán ê跤步 是beh行tuì佗位去ooh
思啊想啊起~有请祖先仔你著爱来保庇ooh
保庇囝孙双跤徛tī家己温暖ê家园啊
有家己ê身躯 家己ê思想 家己ê文化kap语言
有家己ê生活 家己ê主张 家己ê尊严家己ê土地
家己ê土地 家己ê土地
还lán一片清气ê天空kap空气
还lán祖先留--落-来ê文明kap智慧
抗议官官相护财团kap政治
守护一步一跤印ê土地正义