Skip to content
Lyric
Dive
Public playlists
My playlists
Search
Sign in
Mohabbat Kay Sajday
Shaz Khan, Sohail Moten
Popularity ยท Low
+
๐ณ๐ฌ Hausa ยท Original
0
0
YouTube
Searching YouTube...
Lyrics
Original
Translation
Bilingual
Allah, Allah, Allah (Allah)
Allah, Allah, Allah (Allah)
Wo dhoopon me tapti zameeno pe sajde
Safar me wo ghodon ki zeeno pe sajde
Chattano ki unchi jabeeno pe sajde
Wo sehra bayaban ke seeno pe sajde
Halalat mein sajde, musibat mein sajde
Wo faqon mein hajat mein ghurbat mein sajde
Wo jang-o-jadal mein harasat mein sajde
Laga teer zakhmon ki halat mein sajde
Wo gharon ki wehshat mein purnoor sajde
Wo khanjar ke saye mein masroor sajde
Wo raton ko khalwat se maamoor sajde
Wo lambi rakaton se mashoor sajde
Wo sajde muhafiz madadgar sajde
Ghamon ke muqabil 'atardar sajde
Najaat aur bakhshish ke salar sajde
Jhuka sar to bante the talwar sajde
Wo sajdon ke shauqeen ghazi kahan hain?
Zameen poochhti hai, "Namazi kahan hain?"
Zameen poochhti hai, "Namazi kahan hain?" ("Namazi kahan hain?")
Allah, Allah, Allah (Allah)
Allah, Allah, Allah (Allah)
Hamare bujhe dil se bezar sajde
Khayalon me uljhe huye char sajde
Musallen hain resham ke beemar sajde
Chamakti deewaron mein laachar sajde
Riyakar sajde nadar sajde
Benoor bezauq murdar sajde
Saron ke sitam se hain sangsar sajde
Dilon ki nahoosat se masmar sajde
Hai mafroor sajde, hain maghroor sajde
Hain kamzor, bejaan m'aazoor sajde
Gunahon ki chakki mein hain choor sajde
Ghaseete ghulamon se majboor sajde
Ke sajdon mein sar hai, bhatakte hain sajde
Sarasar saro par latakte hain sajde
Nigahen khuzu mein khatakte hain sajde
Duaaon se daman jhatakte hain sajde
Wo sajdon ke shauqeen ghazi kahan hain?
Zameen poochhti hai, "Namazi kahan hain?"
Zameen poochhti hai, "Namazi kahan hain?" ("Namazi kahan hain?")
Allah, Allah, Allah (Allah)
Allah, Allah, Allah (Allah)
Chalo aao, karte hain tauba ke sajde
Bahut tishnagi se tawajjo ke sajde
Maseeha ke aage madawa ke sajde
Nidamat se sarkham shikasta se sajde
Raza wale sajde, wafa wale sajde
Amal ki taraf rahnuma wale sajde
Sarapa adab iltija wale sajde
Bahut 'aajizi se haya wale sajde
Nigahon ke darban rudaar sajde
Wo chehre ki zohra chamakdar sajde
Sarasar badal dein jo kirdar sajde
Ke ban jaayein jeene ke atwar sajde
Khuzu ki quba me yaqeen waale sajde
Lahad ke makeen humnasheen wale sajde
Ho Sh'afi ya Mehshar jabeen wale sajde
Ho Sh'afi ya Mehshar jabeen wale sajde
Wo sajdon ke shauqeen ghazi kahan hain?
Zameen poochhti hai, "Namazi kahan hain?"
Zameen poochhti hai, "Namazi kahan hain?" ("Namazi kahan hain?")
Allah, Allah, Allah (Allah)
Allah, Allah, Allah (Allah)
ย