Le renoncement
Popularity · Low
YouTube
Searching YouTube...
Lyrics
Ili-k i yibaɛtiyen
Semɣi-yaɣ-d acciwen
Akken d aɛraben akk ad nuɣal
S taɛrabt ad nettaru
Yes-s ara nettargu
Tiɛerbubt-nneɣ ad as-neg azal
Ili-k d bu ucamar
Tteɣẓaẓ ula d tiskar
Ɣef tineslemt ad tennerni
Ineḥjaben i tlawin
I medden akk tikmamin
Rebbi di tmurt kečč deg yigenni
Ɣas ma yella tenziḍ
Ur neẓri ansa i d-tusiḍ
Ulac ccekk kečč d Azzayri
Semfireɛ deg yiḍarren
Ẓebbel deg warquqen
Suɣ-d ula deg yimeẓẓuɣen
Kečč d aɛrab d ineslem
D tiɛerbubt i d tizzayrit-ik
Lezzayer d tineslemt
Rebbi ad as-id-yernu deg yimeṭṭawen
Cerwen-tt-id am teslent
Wid i aɣ-yettaran d aɛraben
Ma d nekki mi d-nniɣ
Nekkini d Amaziɣ
D tikerkas i ugiɣ
Nekkini d Amaziɣ
Ccut! ɣur-k wi i ak-id-isellen
Amaziɣ d iẓuran
Ad iqleɛ tiɛerbubt-nneɣ
D lḥebs ay s-ilaqen
Ma ur nebɣi tidet ad d-teffeɣ
Win yellan d anemlay
Ma yufa azaglu ẓẓay
Ɣur-s azref akken ad d-yehder
D acu i d-yemmeslay
S wawal yellan lway
Ɣer tanemla n leḥkem yezwar
Ma dɣa kečč d imekraḍ
Terniḍ tettεeyyiḍeḍ
Ula d tamrart ur ak-tzemmer
Tenniḍ, fell-i teddam!
Ala nekk i d-teẓram
Lḥukuma-nneɣ akk tettaker
Ma deg yimaziɣen teznuzeḍ
Di tmaziɣt tekkateḍ
D kečč kan i d mmi-s n Lezzayer
Semfireɛ deg yiḍarren
Ẓebbel deg warquqen
Suɣ-d ula deg yimeẓẓuɣen
Keččini i yimakaren
D tukerḍa i d tizzayrit-ik
Lezzayer d tasusamt
D wid yettsuɣun i tt-itetten
Lezzayer d nniya
Armi ugten deg-s yimakaren
Ma d nekki mi d-nniɣ
Nekkini d Amaziɣ
D tikerkas i ugiɣ
Nekkini d Amaziɣ
Ccut! ɣur-k wi i ak-id-isellen
Amaziɣ d azedgan
Yettzeddilen ixixxan-nneɣ
D lḥebs i s-ilaqen
Ma ur nebɣi tezdeg ad d-teffeɣ
A wid i aɣ-ikerhen
Nekni s imaziɣen
Bdut targagayt si tura
Leḥbus ur aɣ-zmiren
D tikli-nneɣ i yettɣawalen
Wi iteddun ɣef tidet yessawaḍ
Lezzayer ad tecceɛceɛ
Yes-neɣ ara twenneɛ
D tezdeg d lhu ara aɣ-yaɣen
Isem n llaẓ ad yerwel
Lbaṭṭel ad nakel
D lehna ara aɣ-izedɣen
Ad tuɣal tilelli
Din tessa am ubeḥri
Hder, xdem, snulfu di laman
Hder, snulfu di laman
Fiḥel asemfireɛ n yiḍarren
Aẓebbel n warquqen
Asuɣu deg yimeẓẓuɣen
Nekni d Imaziɣen
Amaziɣ d Azzayri d uzgen
Lezzayer yelha wul-is
Ɣur-s amkan i yal yiwen
Yerna tḥemmel arraw-is
Ar d att-tettḥarab fell-asen