Skip to content
Lyric
Dive
Public playlists
My playlists
Search
Sign in
Dr Falschi
Sektion Kuchikäschtli
Popularity · Low
+
🇩🇪 German · Original
0
0
YouTube
Searching YouTube...
Lyrics
Original
Translation
Bilingual
Dr Falschi
Bin churz davor, mi ufzhänga an miina aigna Schuahbändel.
Wiidermol sonen Tag, wo nüüt passiart ussert Fuassgänger.
Ungwohnt betonti Stilli ergänzt perfekt dia Flauta.
Gits hüt wiider an Färnsehobig im gmüatlich Vertrauta
Oder langts nidamol für das? Doch horch, dia rettend Tüürglocka!
I spring us miiner Deckig, mach t Tüür off, doch grot ins Stocka.
Zwai seltsami Typa schtöhn vor miar, ganz in Wiiss.
I will scho säga: "Sorry Jungs, i chaufa nüüt!" und: "Also, peace!"
Doch do packt mi scho dr aint, hebt mi fescht, während dr zwaiti
Miar an Lumpa ins Gsicht hebt und in däm Moment schrai i.
An stächanda Duft stiigt miar in t Nasa, wo mi umhaut.
Dia tumm Sau verpasst miar Chloroform, aber warum au?!
- Miini letschta Gedanka bevor i entli sanft iischlof.
Und i verwacha erscht wiider ufara holpriga Stross
Imna wiissa Fiat Punto. Miar fahren dur da dickschti Näbel.
Miini zwai Entfüahrer vorna und miar hinna brummt dr Schädel.
Das komisch Duo bliibt still, am Rückspiagel hangt as Chrüüz.
I frog so, wo miar üs befinden, was aber schiinbar nüüt nützt,
denn baidi bliiben wia verstaineret und i main nur so zum Jux:
"Sind iar aigentlich vunara Sekta?" Und sie: "Jo, vu Fiat Lux!
As tuat üs ächt Laid, oh du hailiga Erlöser,
für dia grob Art vu Iiladig. Miar hoffen, du bisch nid allzu bös!"
Und bevor mi richtig froga chann, was abgoht, macht ma Halt
Und verzellt miar, ma befänd sich irgendwo im Schwarzwald,
woruf i jetzt a riisa Villa gsehn. Ma düütet miar da Wäg.
"Langsam aber sicher findi das Ganza zimmli schräg!",
main i zu miina Beglaiter, aber dia sind scho verschwunda.
I chann nid anders als go lüüta goh, miar sind t Händ jo förmlich bunda.
Und i mach das au, idäm i lüüt und mi vor t Türa stella
Und wo dia churz druffabba ufgoht, erkenn i vor miar t Uriella.
"Oh Messias, du bisch achoh, miar hän di scho lang erwartet!"
sait sie so, woruf sie vor miar niiderknüüt und t Händ faltet.
"Quirlts Badewasser stoht scho für di parat.
I tenk, du witsch wohl rein sii, füahrsch üs uf dr hailigi Pfad.
Du bisch miar hüt im Traum erschiina als üser aller göttlich Retter,
wo üs zum usserirdischa Landeplatz füahrt als Männschhaitsverträtter!"
"Sorry Uriella, aber das isch sicher a Verwechslig!
I bin jo nidamol gläubig und das wo du verzellsch... i checks nid!
I glaub eher, du nünnsch armi Lüüt us mit krumma Tricks!"
Säg i zu ihra, doch sie lächlet nur und küsst as Kruzifix.
Und hinter ihra stöhn erwartigsvoll 50 Lüüt samt Icordo.
Und i säg zu miar: "Hoffentlich bliibsch nid no z ganza Johr do!"
Dia gsamt Meuti umkraist mi, küsst mi, hebt mi bi da Hend,
und alli fiiren mi enthusiastisch als ihra grossa Held.
Chorus: Hey Lüüt, iar hän dr Falschi! Mit miar würd das so nid goh!
Warum usgrächnet i? Wia chönn iar eu uf mi verloh?
Das Ganza chunnt no schiaf usa, iar zwängen mi in as Korsett!
Jo, verdammt, hät öppert gfrogt, ob i das überhaupt wett?!
"I hät gärn a Margherita, wenns goht warm und zum Mitneh."
"Ecco, das macht füüf Franka." - "Do!" - "Viila Dank!" - "Bitte!"
I schlendra so zum Migros usa, verbi am SP-Stand
Und schlängla mi dur all dia Typa mit so Zättla in dr Hand.
Doch bim Letschta bliib i stecka. "Für an dritta SP-Sitz im Bundesrot!",
spricht är mi forsch a. I: "Sorry, bin scho spot!"
Und will au grad wiitergoh, doch är stoht fräch vor mi anna,
hebt miar as Blatt vor t Nasa: "Do, unterschriib mit diinem Nama!"
Na, ja, spötischtens jez wird i ungeduldig, drum
Lohn i ihn wüssa: "I intressiar mi nid dafür, entschuldigung!"
Und wo dä Typ immer no nid locker loht, fahr i us dr Huut.
Fang a zverzella, was i vu däm Ganza halt und werda luut.
Und währenddäm i t Pizza abiiss, schwaif i ab uf t Kapitalwirtschaft,
zell t Problem uf vu miim Onkel, wo als Landwirt schafft.
Referiar über t Bedüütig vu WTO und Wältbank
Und t Uswürkiga uf Gahna als typischs Drittwältland.
Und an Intressiartakrais bildet sich um mi umma,
wo immer grösser wird währenddäm i uf z Parlament z reda chumma.
I labbara und labbara ohni gringschti Ahnig z bsitza
Und beenda miin Vortrag mit am letschta Stuck Pizza.
Tosanda Applaus, wo in miini Ohra dringt.
Ma nünnt mi uf t Schultara, wobi jeda zur Internationala astimmt.
Und i tenk so für mi: "Do han i wohl öppis richtigs gsait!"
Und bemerk, dass ma mi zunara Frau in rotem Blazer trait.
"Löhn mi bitte entlich abba, i sött hai, losen doch!"
Ma setzt mi an Boda ab und vor miar stoht t Ursula Koch,
wo mi agrinst. "I han iari Red gnossa, Genosse!
Sie hän Volksnöchi und dr Schwiizer will an neua Boss gseh!
Vu wo chömmen sie? Äh Igis. Ah jo? Das liit doch in Umgebig Chur!
So, sie chömmen jetzt mit miar; i stell sie zur Kandidatur!"
"I han kai Ahnig vu Politik und nur Schaiss verzellt und so!"
"As chunnt nid uf dr Inhalt druff a, sondern uf t Präsentation!
Sie sind gnau üsa Ma. Sind hän miis volla Vertraua!
Miar bruuchen sie um Sozialismus uf und Blocher abzbaua!"
Und noch nidamol anra Wucha stohn i scho in dr Arena
Inmitta vu da Toplüüt us dr Schwiizer Politikszena.
Lärn dr Moritz Leuabärger und t Ruth Dreyfuass känna,
wird in Ständerot gwählt und törf all bim Vornama nänna.
S isch nur no a Frog vur Ziit bis i im Bundesrot sitz!
I säg: "I füahr t Schwiiz in Ruin!" Doch alli glauben, i mach Witz!
Chorus