O Meri Premika
Popularity · Low
YouTube
Searching YouTube...
Lyrics
Raj mandir cinema ke piche
Chote bargad ki thooth ke niche
Ek mouchi baitha tha
Tarpaal kasaaya karke
Jo bhi aata usse bolta
Woh bhaya bhaya karke
Hua akela jo pal bhar toh
Uska chehra utar gaya tha
Sangharsh bhara woh chehra
Man mein ghar kar gaya tha
Uss chehre ko likhne mein hi
Meri umar beet gayi jana
Main tere chehre ka pehla
Deedar nahin likh paya
Mujhe maaf karna o meri premika
Mujhe tujhse hai kitna pyaar nahin likh paya
Ek bade aadmi ne karliya
Ek garib ke khet mein kabza
Aur kaha yeh khet hai mera
Tu ladle yaa dabb jaa
Uski laane akal thikaane
Woh kisaan gaya fir thaane
Thanedaar ne kaha laa paise
Fir uparwaala jaane
Jaldi hi samajh gaya banda
Aise hi chalta desh hai
Bhai jiske haath mein laathi
Uski hi hoti bhaish hai
Ab bambai sheher mein aa kar
Woh chala raha hai rikshaw
Aur soch raha baccho ko
Dilwaoon yaa nahin sikhsha
Wahan bada aadmi afsar ko
Farm house pe bula raha hai
Aur afsar apne peg mein
Aur ice dala raha hai
Unki tondh ki golayi likhne mein
Meri umar beet gayi jaana
Main teri kitni hai patli
Kamar nahin likh paaya
Mujhe maaf karna o meri premika
Main tere sath kiya saara safar nahin likh paya
Thi padosh mein budhi daadi
Chahti thi dekhna shaadi
Apne pote ki marne se pehle
Koi panga bhi nahin tha
Bas pote ki umar thi gyaraah
Budhiya ko bhi dikhta nahin tha
Usne ghar utha liya saara
Apni manwa ke chori
Chaar baras beet gaye baat ko
Abhi zinda hai buddhi ghodi
Vaise toh woh khush hai
Bas ek hai akhiri iccha
Pote ke aangan mein
Chahti hai dekhna baccha
Uske swarth ko likhne mein hi
Meri umar beet gayi jaana
Main tera sabse yeh nischal
Vyawahar nahin likh paya
Mujhe maaf karna o meri premika
Mujhe tujhse hai kitna pyaar nahin likh paya