Skip to content
Lyric
Dive
Public playlists
My playlists
Search
Sign in
Katastrophe1
Lotfi Double Kanon
Popularity · Low
+
Original
0
0
YouTube
Searching YouTube...
Lyrics
Original
Translation
Bilingual
Catastrophe هو شعار هاد الزمان
آو قالها النبي الحذيفة بن اليمان
رايحة تكثر الآلام وتنقص فيه الآمال
ويتخلط هاد المكان بين الكفر والإيمان
أنعم، هاد الكلام كان وحي منزل
يفسر أزمة مجتمع مسكين قاعد يتفسد
تهزت الوصايا اللي وصلهالنا الرسول
عادوا كل بالنفاق تاع عبد الله بن سلول
والله ستسألون عند المالك
الشعب بالفقر وبالجهل ولى هالك
جيل ولى هايم بالشهوات آو هامل
ومسؤول هاني، في جوفو قلب هامد
يعني نقولهالك والله دُركا
عدنا عايشين في حياة شبه ضنكة
أصحاب الخير مفرڤة، من الخوف راهي مدرڤة
والناس تاع الشر راهم واجدين في كل عركة
الفتنة لي راهي طالعة هنا في دزاير
تفكرني في علي وقت طلحة والزبير
مام تكون سيد وإسلامك يكون زايد
كي إبليس يتسيف والله الدم يولي سايل
الظلم يولي سائد ويكثر كي الجراثيم
والناس بأعمالهم يولوا كلهم مشرارين
Partout منتشرين، يمشيوا كي الشياطين
يجريوا مجرى الدم في العروق والشرايين
Catastrophe خاطاك الدعوة ولات كارثة
خاطاك المبيقات فهاد الزمان آي ولات بكثرة
آي كاتبة، خويا صدقني راي مشها كذبة
كون وطلع راسك تلڤى علاماتها مڤابلة
وكابرة كيما الطوفان راهي مڤربة
مخربة، تڤتل زي الأمراض لي jamais تبرى
ضاربة، شاعلة في كل دار، في كل بلدة
واحد ما يمنع الناس الكل تولي هالكة
Catastrophe هو عنوان الخطاب
خاطاك ما كانش الكلام اللي يوصف هاد الخراب
الخليفة بن الخطاب قراها فالكتاب
حيجيوكم ذئاب بالملابس تاع عباد
يجروا عالبلاد ويخلقوا أزمات
يهملوا الدروس تاع الفتح والغزوات
يضيعوا الصلوات، الصيام، والزكاة
وفقه الأخلاق يغبروه فالخزّانات
يكثروا الزناة وتظهر الدعارة
الأماكن تاع الفسق تعود منتشرة في كل حارة
الجنس يدير حالة ويحطم الشباب
فالمدن، فالشركات، فالـ lycée والجامعات
حتى تتفجر العاهات النفسية والحسية
بين les obsédés والمڤيوسين بداء السيدا
زيدها إصابات هنايا فالأعصاب
تصنع des psychopathes تاع viol واغتصاب
الشعب يعود مصاب، عايش في خطورات
ولادو دايما تايهة وهاملة في الخطوات
يديروا غلطات تتخوض غير بالتخلاط
والجيل كامل يغرق بالخمر والمخدرات
وخباط باه راح تتفلق الجرائم
كل يوم عناوين في الصحف والجرائد
نشوفوا غرائب، بالموس الناس مضبوحة
النسا راي مسفوحة وأطفال صغار مذبوحة
Catastrophe خاطاك الدعوة ولات كارثة
خاطاك المبيقات فهاد الزمان آي ولات بكثرة
آي كاتبة، خويا صدقني راي مشها كذبة
كون وطلع راسك تلڤى علاماتها مڤابلة
وكابرة كيما الطوفان راهي مڤربة
مخربة، تڤتل زي الأمراض اللي jamais تبرى
ضاربة، شاعلة في كل دار، في كل بلدة
واحد ما يمنع الناس الكل تولي هالكة
Catastrophe المجتمع عاد خبيث
حقد كبير والبغض فيه غليظ
عمبالي راي تغيظ، كي يقول لك الحديث
"الإسلام رايح يرجع كيما بدا، غريب"
يرجع وحيد وفالديار يعود مخزون
كيما وقت قريش وقبيلة بني مخزوم
اليوم، هم وسخوه، بالبدع نحاوا لو أصلو
وكان اللي صعبوه، عقدوه، حتى نتعصبوا
عديكا وصلوا بزاف الوالدين
يخافوا عولدهم كي يبدا يروح للدين
يخافوا لا يديوه عباد بالتشويش
يقولوله "باباك كافر لأنه ما يصليش"
على ديكا الناس تهيج وتهرب من العقيدة
تبانلها ثقيلة وعندها عقلية قديمة
تروح هاد القيمة، والدين يعود عادات
يعني كل المعاناة راح تتحملها العائلات
الضرب، الاعتداءات، عنف وطلاق
أطفال صغار رايحة ترمى الكل فالزقاق
تتربى فالنطاق تاع la drogue والـ délinquance
وتطلعلك société تكون متعطشة لـ la violence
يُفقد الأمل، والأرواح بدون ثمن
رايحة تكثر السرقة بحجة قلة العمل
رايح يشرب الخمر لأنه يرفه عالبدن
ورايح يكون الانتحار لأنه يفاجي عالملل
Catastrophe خاطاك الدعوة ولات كارثة
خاطاك المبيقات فهاد الزمان آي ولات بكثرة
آي كاتبة، خويا صدقني راي مشها كذبة
كون وطلع راسك تلڤى علاماتها مڤابلة
وكابرة كيما الطوفان راهي مڤربة
مخربة، تڤتل زي الأمراض اللي jamais تبرى
ضاربة، شاعلة في كل دار، في كل بلدة
واحد ما يمنع الناس الكل تولي هالكة