Skip to content
Lyric
Dive
Public playlists
My playlists
Search
Sign in
El Mokhtar
El Joker
Popularity · Low
+
🇦🇪 Arabic · Original
0
0
YouTube
Searching YouTube...
Lyrics
Original
Translation
Bilingual
سلامنا على نفوس فـ حلقة البحث عن الضوء
مذئوب فـ ليلة البدر مال مع الدراويش بشوق
نجمه بتوعد ونسمه بتطبطب فـ ليلة شقى
سقانا بل ريقه لما آخر شخص اتسقى
كل وعود السما مرسومة فـ عيون المريد
مختار حارتنا قال للظلم لأ بصوت عنيد
وردة خافت عـ الحبيب شاعرنا قال الليلة عيد
حامينا بأمر من سلطاننا حشد جيش من العبيد
رجال حارتنا اجتمعوا حوالين الربابه الليلة
مختار بيتكتبله غنوة زي أبو زيد وغيره
دخل رسول حامينا برسالة عكر صفا ليلتنا
يا نسلم مختار ونعيش يا نموت وتدفن حارتنا
غضب سريع وقف وقال هندبح المرسال
مختارنا قال قتل الرسول مش من شيم الرجال
مشي الرسول وسكتت الربابه وهتف صوت
رجال بتبايع المختار عـ الحرب حتى الموت
طول الليل ذكي وجريء بيرسموا فـ خطتنا
وجيوش من العبيد بتزحف بإتجاه حارتنا
في الصباح كان طبل جيشهم جنب تكبيراتنا همس
والحامي الكلب لزم خيمته عشان مش حمل شمس
أما أسدنا كان على رأس جيشنا مخافش سهم غدر
قال هما كتره واحنا قله والنهارده بدر
من بينهم خرج فارس بيطوح عبيده بدرعه
وقال أعتاكوا يجيلي وللأسف في مننا رجعوا
مختارنا قال أبارزك واللي يفوز يفرض شروطه
نحسمها بموت نفر بدل ما رجال كتير يموتوا
فارسهم ضحك زهوا وهجم بسرعة شديدة
مختارنا إتفادى الضربة وقتله بضربة سيف وحيدة
وفـ عز تكبيراتنا وعز ما جيشهم كان مصدوم
الكلب قائدهم خان العهد وأمر بالهجوم
مختارنا قال هنحارب احنا رجال وبيننا ميثاق
والويل لجيش عبيد اتساق للحرب بالكرباج
كل شهيد من بيننا مات قصاده منهم سته
خبر صمودنا بدأ يلف كل بيوت الحته
ولقينا رجال من كل حواري الحي بينضمولنا
حسينا بكترتنا لما الأرض إتهزت تحت رجولنا
هابوا العبيد رموا السلاح وهربوا مـ الميدان
مختارنا قال سيبوهم الحياة عقاب الجبان
لفينا نعلن الإنتصار وسط إحتفال حوارينا
كل بيوت الحي حيت كل راجل فينا
وردة جت بخجل قالت للمختار قلقت عليك
العيون بتقول كتير والبق بينطق أنا بخير
شاعرنا قال يا فاكر إن البرق قبل الرعد
آدي اتنين بينهم مسافه لكن روحين في حضن بعض
قضينا الليل بنمجد كل راجل راح مننا
وبنتحاكى بإن مهدي الحي بحاله من عندنا
مختارنا قال كفى إحتفال اجمعوا شيوخ حارات الحي
اللي فات يادوبك خطوة، والمشوار بحالو غي