Skip to content
Lyric
Dive
Public playlists
My playlists
Search
Sign in
شارع الرجوله
Essam Sasa Kimo Eldeeb
Popularity · Low
+
🇦🇪 Arabic · Original
0
0
YouTube
Searching YouTube...
Lyrics
Original
Translation
Bilingual
حصريًا على موقع مهرجانات دوت كوم
شارع الرجولة مسافلتينه، عاملين هناك تجديد
بقى جحر مليان بالسموم، تلبس كلبش حديد
كله شمال، إرشاد وكدب والموج عافي وشديد
كيمو الديب
أنا إتأذيت علشان جدع ومن اللي فيا هموت
ماركة صحابي أقل جودة، مستوردينها يهود
ضاربين رصاصة غل جلت، كنت أنا المقصود
طبع الأسد مكروه عشان أقوى واحد في الكون
ما رحمش حد جه تحت إيده، على طول نابه مسنون
لو كان عايشها بحب فعلاً كان زمانه مدفون
مساء الزفت ع العمر اللي بيعدي
وكل يومين بعيط وأبكي على حالتي
حاسس بمؤامرة، كل الناس بقت ضدي
بسن سلاح قديم راكنه، بقى مصدي
جاري إستخراج آخر سنتي من الطيبة
شربت أنا شوب غل وكره ومصيبة
ده مشروب شر شاربه وعامله تركيبة
بقى متضاف على حسابكو دمغة وضريبة
شارع الرجولة خلاص قفل، معمول فيه ألف كمين
بقى جحر مليان بالسموم محشورة فيه تعابين
كله شمال، إرشاد وكدب وما عادش حد يمين
شارع الندالة مسافلتينه، عاملين هناك تجديد
تعمل جدع تاكل وجع، تلبس كلبش حديد
تيار خيانة يا صاحبي عالي، الموج عافي وشديد
بقيت منتج وكل صحابي بايعاني
بقضي الليل لوحدي حزين، أنا بعاني
من الخنقة أنا قطعت شرياني
بنادي ع الموت، خلاص مش عايز أعيش تاني
أنا إستكفيت، يا ريت تبعدوا تسيبوني
ولما إديتكو إيدي جيتوا كلتوني
ده حتى الأكل اللي عليه عزمتوني
طبختوا السم فيه، عايزين تسموني
جالي إنفصام وأنا في الظلام، جوايا بقى شخصين
شخص نضيف بيقول حرام، كله سلف ودين
اللي أنا هعمله هشوفه لو حتى بعد سنين
وشخص تاني غبي ومخيف واخد طريقه شمال
داق كل أنواع الخمور وما داقش حاجة حلال
يجرح ويقسى ويفتري وضميره مش شغال
سيناريو الحب هتشوفه بس في السيما
وقيس أو ليلى فيلم وموضة وقديمة
بلاش، ده الحب يابا ضربته دي غشيمة
معاكش فلوس ده صفر شمال مالوش قيمة
بخاف أدعي على كل اللي كارهيني
لا تيجي في ناس قريبه أوي مني
ليه اللي أديله قلبي يجي يكسرني؟
واللي أعتبره مكسب عادي يخسرني