Skip to content
Lyric
Dive
Public playlists
My playlists
Search
Sign in
S'unica chi miro
FantasiasDeBallos
Popularity · Low
+
Sardinian · Original
0
0
YouTube
Searching YouTube...
Lyrics
Original
Translation
Bilingual
Sempre pensende in te
Isto dies e nottes, bella dea
E non bi hat in me
Idolu meu, crè, atter'idea
E non bi hat in me
Idolu meu, atter'idea, cre
Dae cando in tormentu
Passo su tempus tristu e affannosu
Piusu unu momentu
Su coro no hat tentu de reposu
Piusu unu momentu
Su coro de reposu no hat tentu
Si podene sos muros
De s'appusentu meu faeddare
Ancora chi sunt duros
Affettos puros diant relatare
Ancora chi sunt duros
Diana relatare affettos puros
Diana narrer tantu
Chi s'affannan pro te sos ojos mios
Chi dae in tantu intantu
De lagrimas e piantu formant rios
Chi dae intantu intantu
Formant rios de lagrimas, e piantu
Tue ses su tesoro
Tue ses bene meu, e mia vida
A tie solu adoro
A tie tenzo in su coro imprimida
A tie solu adoro
A tie tenzo imprimida in su coro
Pro te graziosa Elena
Supporto tanta pena, e tantu istragu
Appenadinde appena
Sa cadena allezeri calchi pagu
Appenadinde appena
Calchi pagu allezeri cadena
Bella cando ti miro
In sas intragnas non mi lassas coro
Bella pro te regiro
De sas diosas s' unica chi adoro
Bella pro te regiro
De sas diosas s'unica chi miro.