Inasen
Lounis Ait Menguellet
Popularity · Low
YouTube
Searching YouTube...
Lyrics
I wid i yewwi waḍu
Aḍu n lxuf d-iṣuḍen
Ssiweḍ-asen lexbar lḥu
Ad k-ceggɛeɣ ɣur-k ini-asen
Ini-asen truḥ daɛwessu
Zemren tura ad d-uɣalen
Nufa-d i tmurt aqeṛṛu
Seg widak i iqlilen
Baba-s d aqbayli n wedrar
Yemma-s d taɛrabt n wecluḥ
Seg wid yettṣeggimen annar
Ur nettɛemmid ad aɣ-iruḥ
Yewwed-d kan agu yufrar
Tamurt as-d-yawi rruḥ
Ini-asen truḥ daɛwessu
Ccwal ur d-yegri later-is
Ini-asen ad ten-nettraǧu
Tamurt tuḥwaǧ arraw-is
Ini-asen ma d-uɣlen
Kulwa yurǧa-t wemkan-is
Deg uxxam ad dukklen
Kul wa ad yezhu d warraw-is
Ini-asen telli tewwurt
D ayen ẓẓrubat ttwaksen
Serrḥen i iberdan n tmurt
Teččur d iberraniyen
Ccetwa anbdu tafsut
D luluf i d-ttasen
Ini-asen ma d-tuɣalem
Lbaṭel ur d-yeggri later-is
Taḥeqqart n zik snen
Ur s-yettunebder yisem-is
Wid iweɛren zik-nni
Win ineṭṭqen ar lḥebs ad t-rren
S abrid zzin-d d ayenni
Tura fehmen iwumi-ten
Lɛeskar di lkazirna-t
Lemkaḥel merra ṣeddedent
Ur ineq ur yettmettat
Anda yella wuɛwij ṣeggment
Neffeɣ si ṭṭlam ar tafat
Tilufa nni n zik ṣefḍent
Wid-ak i yeṭṭfen adrar
Ṣubben-d yehda-ten-id Ṛebbi
Win isen-yessaɣzafen amrar
Wwin-ten deg ubrid lɛali
Ulac win yettnadin amkan
Lɛibad xeddmen meṛṛa
Yiwen ur yelli di lemḥan
Ɣef udmawen tezga rreḥma
Lḥebb yeɣleb afriwen
Lɣella teqqel-d ar tqaɛet
Afellaḥ yesɛa ifadden
Ixeddem yesnuzu itett
Almi ula d ijarnanen
Uɣalen heddren tidet
Ini-asen tres-d lahna
Tefka-d ttaɛd tefsut
Newweḍ akk s ayen i nmena
Acḥal aya nettargu-t
Ini-asen ma d-uɣalen
Lemmer ad walin timdinin
Ccbaḥa ara ten-iqablen
Kul azniq deg ara ɛeddin
Ad walin wa ad sriḥen
Siwa lwerd aked lyasmin
Tilmeẓyin d yelmeẓyen
Afus deg ufus ttɛeddin
Teddun ɣer llakul-nsen
Dduklent tmeslayin
Taqbaylit tekcem lakul
Tacba taɛrabt tarumit
Kul wa yeqqar-itt seg wul
Imi aɣ-tesddukel tjaddit
Ini-asen mačči d aya
Aṭas n wayen nniḍen
Limer ad walin lejwamaɛ
Akken ččuret d inselmen
Ɛedlen akk wa ɣer wa
Nutni d legliz irumien
Udayen rran-d ttjara
Nɛic yid-sen d atmaten
Anriku di qṣintina
Yeznuzuy igiṭaren
Ma d-rsen di lɛaṣima
D lḥukuma ara ten-iqablen
Ad ruḥen s wudem yeḍsa
D uɛemmur n yiǧeǧǧigen
Ad walin amek i tbeddel
Lɛibad meṛṛa cerhen
Ad afen ṣwab deg laɛqel
Acḥal a ferḥen yis-sen
Ulawen ijaḥen ad ḥlun
Ad d-uɣalen d ijdiden
Aɣbel n lɣerba ad tettun
Si lemḥayen ad iriden
Tudert nniḍen ad tt-bdun
As tṣeggem deg wayla-nsen
Aset-d ma tumnem-iyi
Ad twalim s wallen-nwen
Imehbal akka am nekkni
Mačči d lɛib ma skaddben
Aya d-nniɣ ulac-it
N wid it-yesaramen
Kul yiwen yesɛa targit
Glut-aɣ-d s tirga-nwen
Awit-aɣ-d tirga-nwen
S annar n tirga ad t-nernu
Llan wid ay yesrewten
Ad tt-rwin qbel a tefru
Mi kfan ccɣel ad tferẓen
Ad texleḍ mbeɛd ad teṣfu