Skip to content
Lyric
Dive
Public playlists
My playlists
Search
Sign in
16 HK Rap Up
MastaMic
Popularity · Low
+
🇨🇳 Chinese · Original
0
0
YouTube
Searching YouTube...
Lyrics
Original
Translation
Bilingual
编: 陈玮洛
监: MastaMic/陈玮洛/Joey Lam
一年一rap up 今年会rap乜
有人等得好心急 我就rap 得好心噏
今年rap得乜唔rap得乜无乜唔rap得
听完rap up祝大家鸡年食得瞓得行得走得行运大吉
明蝠侠4D演唱会差啲冇得做
即使面对关公灾难都轻松过渡
吴若希暂别娱乐圈生B咁好野
咁以后 咪冇得听佢讲 点解嘅
柏豪结婚相信fans都感到高兴
但相信最伤心嘅应该系岑晋晴
方力申邓丽欣10年童话未结先分
分手系10周年纪念日多得叶念琛
李润庭公然偷食人妻咁狂妄
奉劝巴打如果偷食记住要东张西望
16年至hit韩剧莫过于太阳的后裔
几时大台照dup整返套太婆的后裔
尸杀列车其实都冇乜特别
只要你朝头早返工试过搭港铁
全城热话跟住矛盾去旅行
下次我提议不妨请苏永康同梁颂恒
再见我哋嘅GAG王 卢David
你嘅烂gag永远都充满住个人特色
佐治米高系圣诞节离开人间
听住Last Christmas过佢最后一个圣诞
对于Samsung部Note 7只有一个评价
成龙下次可以改口讲韩国制会爆炸
Pokémon Go全城狂热 人人捉精灵
个个都变做小智化身做宠物菁英
李国章终于正式入住港大
以我估计港大嘅学术自由都系咁大
监警会三审裁定朱经纬用警棍打人
搞咗咁耐个结论原来阿妈系女人
电影十年获得金像奖最佳电影
即时引起一众爱国电影人嘅点评
何文田站嘅设计相当离地
出口去到月台五百几级楼梯行到你断气
全球最长寿大熊猫佳佳接受安乐死
17年嚟陪伴港人成长衷心多谢你
谭耀宗打尖做手术点解咁都得
系咪加入民建联就成为特权阶级
正所谓道不同不相为谋
学联退出支联会代表各自有唔同诉求
Lancome两封割席声明搞到自己犯众憎
不如考虑吓中文译名改做难堪
政府成日提要改善住屋同土地问题
偏偏4层楼高嘅嘉湖泥头山无人提
政府率先向横洲地区领袖摸摸底
官商乡黑勾结实行一条龙互利互惠
曾经嘅亚洲良心终于寿终正寝
对于停播时𠮶种草草收场深表遗憾
只要老豆系特首随意打横行
漏咗行李过关咩唔使惊有特事特办
梁振英上任做尽坏事无日无知
直至宣布唔竞逐连任总算做返件好事
退休法官胡国兴抢闸参选特首
边个赢都好最紧要唔系淋病同叶瘤
廉政公署大地震李宝兰被辞职
似乎系梁振英对调查UGL事件嘅反击
一带一路一带一路一带一带一路
以上全部内容就系成份施政报告
医委会特首委任人数增加至八人
无非都系想喺唔同机构加插自己人
屯门搞到新年大混乱嘅起源
原因系良景邨突然有好多蒙面管理员
当鱼蛋都可以引伸一场革命
证明当权者系如何欺压百姓
对于有学生自杀我深表遗憾
为人师表更应积极承担责任
但局长次次有关听证会都唔会现身
所谓对策只系每间学校发放5000蚊
4级大火 将时昌 迷你仓 彻底吞食
场火足足烧左四日半先叫做救熄
两名消防员亦因此英勇殉职
在此向佢哋致敬献上无言感激
喺香港卖书卖到比人失踪
一国两制已经去到全面失控
梁天琦新东补选以六万几票 高票 落败
可以话正式确立香港嘅本土派
声明确认书明显系政治打压
即使签咗名 选举主任都可以唔批准入闸
戴耀廷嘅雷动计划搞到一镬泡
令到部分应该当选嘅结果选唔到
梁颂恒用鸭脷洲乡音宣誓
游惠祯一句支那结果引风入肺
一场宣誓风波令中共揾到靓位
引发释法上诉DQ令议员人人自危
为咗米粉再困难仍然百折不屈
埋头苦干四年由13去到17
嚟到今年马米终于推出全新专辑
精彩多变风格 到时唔听系你损失