Skip to content
Lyric
Dive
Public playlists
My playlists
Search
Sign in
Franciscae Meae laudes (avec le concert impromptu)
Juliette
Popularity · Low
+
Original
0
0
YouTube
Searching YouTube...
Lyrics
Original
Translation
Bilingual
Novis te cantabo chordis
O novelletum quod ludis
In solitudine cordis
Esto sertis implicata
O femina delicata
Per quam solvuntur peccata!
Sicut beneficum Lethe
Hauriam oscula de te
Quae imbuta es magnete
Quum vitiorum tempestas
Turbabat omnes semitas
Apparuisti, Deitas
Apparuisti, Deitas
Velut stella salutaris
In naufragiis amaris
Suspendam cor tuis aris!
Piscina plena virtutis
Fons eterne juventutis
Labris vocem redde mutis!
Quod erat spurcum, cremasti
Quod rudius, exaequasti
Quod debile, confirmasti
In fame mea taberna
In nocte mea lucerna
Recte me semper guberna
Recte me semper guberna
Adde nunc vires viribus
Dulce balneum suavibus
Unguentatum odoribus!
Meos circa lumbos mica
O castitatis lorica
Aqua tincta seraphica
Patera gemmis corusca
Panis salsus, mollis esca
Divinum vinum, Francisca!
Divinum vinum, Francisca!
Patera gemmis corusca
Panis salsus, mollis esca
Divinum vinum, Francisca!
Divinum vinum, Francisca!