Irtiqa III
Popularity · Low
YouTube
Searching YouTube...
Lyrics
Kuch aiteraz hai, aur kuch ikhtilaf
Gar aaj iss mushkil mein daal hi diya hai
Tau suno, suno ki mein ek jhoot hoon
Ek moon bolta, moon phat jhoot
Mein bhi aur tum bhi... jhoot
Ye gird-o-nawah ka shaoor
Jang-o-aman ke pech-o-kham
Ye tajasus-e-dil-o-dimagh
Peer-o-alam, ustad-e-muhtaram
Ye raasta dikhane wale
Sab jhoot hein, sab jhoot hein, jhoot hein
Mein bhi aur tum bhi
Ye baatein shayad samajh na paao
Ke nazar faqat shanas hai
Mustarid roshni ko sach jaanne ki
Haqeeqat maanne ki, haqeeqat maanne ki
Alfaz ke madar mein
Alfaz hi alfaz hein
Alfaz ke is bhanwar mein
Alfaz ki talash hai
Alfaz se tau soch hai
Ye baatein shayad ab bhi samajh na aayen
Ke ye alfaz bhi tau jhoot hi hein
Sab jhoot hein, mein bhi aur tum bhi
Gar aaj iss raat nai parda chaak kar hi diya hai
Tau suno, suno - aur sun lo
Ke ye raat iss dil se zuban chahti hai
Ye raat subah-e-tareek se pana chahti hai
Har wo soch jo alfaz se mashroot hai
Ye raat uss soch ki kari saza chahti hai
Ye raat har uss halat ki maut chahti hai
Jo ishq ke badle Khuda chahti hai
Ye raat... ye raat irtiqa chahti hai