كايني
Mahmoud Turki
Popularity · Low
YouTube
Searching YouTube...
Lyrics
كايني قطرة ماء في وسط بحر شايح
نسكت في الموجة قاعدة تقول في الفضايح
كايني طفل صغير قلبي معبي خوف
نشوف في لحمي يتقطع كل يوم طروف طروف
كايني مجنون نعزف على عروق قلبي
مدفون بالأوراق ونسمع في نبيح كلبي
كايني عشرة سنين نحكي مع ساعة وحدة
نسأل في كل دقيقة وما تجاوبني حتى وحدة
كايني لون جديد حتى حد ما شافو
كيف نشوفوه نخافو راسو موش بين أكتافو
كايني شجرة في وسط الصحراء نعيط
وينو الماء وينو الماء والبير لحسه بايت
كايني حر الصيف مانيش باش نطول
بعدي جاي الخريف باش الفرزيط يتسول
كاني غناية حرفة ما فيها حتى صوت
ألحانها عياط ألحانها عياط واحد قاعد يموت
كايني عشرة سنين نحكي مع ساعة وحدة
نسأل في كل دقيقة وما تجاوبني حتى وحدة
كايني ما فهمتش الكلام ياسر صعيب
يا أنا قاعد نخلوض يا أنا لازمني طبيب
كايني عشرة سنين نحكي مع ساعة وحدة
نسأل في كل دقيقة وما تجاوبني حتى وحدة