Skip to content
Lyric
Dive
Public playlists
My playlists
Search
Sign in
Zaroori Tha
Song, Rahat Fateh Ali Khan
Popularity ยท Low
+
๐ณ๐ฌ Hausa ยท Original
0
0
YouTube
Searching YouTube...
Lyrics
Original
Translation
Bilingual
Lafz kitne hi tere pairon se lipte honge
Tune jab aakhiri khat mera jalaya hoga
Tune jab phool kitaabon se nikaale honge
Dene wala bhi tujhe yaad toh aaya hoga
ย
Teri aankhon ke dariya ka utarna bhi zaroori tha
Mohabbat bhi zaroori thi, bichhadna bhi zaroori tha
Zaroori tha ki hum donon tavaaf-e-aarzu karte
Magar phir aarzuon ka bikharna bhi zaroori tha
Teri aankhon ke dariya ka utarna bhi zaroori tha
ย
Batao, yaad hai tumko woh jab dil ko churaya tha?
Churayi cheez ko tumne Khuda ka ghar banaya tha
Woh jab kehte the, mera naam tum tasbeeh mein padhte ho
Mohabbat ki namaazon ko qaza karne se darte ho
Magar ab yaad aata hai, woh baatein thi mehez baatein
Kahin baaton hi baaton mein mukarna bhi zaroori tha
Teri aankhon ke dariya ka utarna bhi zaroori tha
ย
Wahi hain sooratein apni, wahi main hoon, wahi tum ho
Magar khoya hua hoon main, magar tum bhi kahin gum ho
Mohabbat mein dagha ki thi, so kaafir the, so kaafir hain
Mili hain manzilein, phir bhi musafir the, musafir hain
Tere dil ke nikaale hum kahan bhatke, kahan pahunche
Magar bhatke toh yaad aaya, bhatakna bhi zaroori tha
Mohabbat bhi zaroori thi, bichhadna bhi zaroori tha
Zaroori tha ki hum donon tavaaf-e-aarzu karte
Magar phir aarzuon ka bikharna bhi zaroori tha
Teri aankhon ke dariya ka utarna bhi zaroori tha
ย