Skip to content
Lyric
Dive
Public playlists
My playlists
Search
Sign in
atik laham
gloc9
Popularity · Low
+
Filipino · Original
0
0
YouTube
Searching YouTube...
Lyrics
Original
Translation
Bilingual
Kung maibabalik ko lang ang takbo ng panahon
Kung ang matatanaw ko ay ang hinaharap sa paglingon
Kung maibabalik ko lang ang takbo ng panahon
Sasabihin ko na minamahal kita
Nahukay ang pantay na lupa
Nagalisan ang mga tao
Tumigil ang iyakan na di kailangan ng kabaong
At mga ilaw na may sindi kahit tanghaling tapat
Talulot ng mga bulaklak sa sahig kalat kalat
Sinoli sa funeraria ang hiniram na bentilador
Sinabing di na namin kailangan ng embalsamador
Tumigil ang pagdurugo naghilom ang mga sugat
Ang mga nayuping bakal ay dahan dahang naunat
Walang naulat na nasawi o kahit nasaktan
Lumabas sa ospital na saki'y pinagdalhan
At sa loob ng sasakyan sa kalsada'y walang sagabal
Ang dating mabilis na takbo ng kotse'y bumagal
Alam ko ako'y galit bakit ngayon ay huminahon
Pilit kong tinatandaan anong nangyari kahapon
Dumating ako sa amin walang tao sa labas
Nang biglang ang nakasarang pintuan ay bumukas
Kung maibabalik ko lang ang takbo ng panahon
Kung ang matatanaw ko ay ang hinaharap sa paglingon
Kung maibabalik ko lang ang takbo ng panahon
Sasabihin ko na minamahal kita
Pumasok sa loob ng bahay ngunit bakit ang tahimik
Iba ang pakiramdam parang ako'y nananaginip
Nang aking nakita kinilabutan ako'y napapikit
Umiikot ang segundo sa relo ng pabalik
Lumapit ang aking anak kumapit sa aking kamay
At sinabi sakin buti bumalik ka itay
Kawawa naman si inay nasa kwarto walang kasama
Lumakad at pinuntahan ko ang aking asawa
Nakalupagi sa sahig matay namumugto
Hindi ko malilimutan ang mga sumunod na yugto
Mga nagkabasag basag na salamin ay nabuo
At umaagos na luha sa kanyang matay natuyo
Bakit hindi kumikibo di naman nagbibiro
Ako'y kanyang minasdan tingi'y hindi lumiliko
Bigla kong naalala ang sigawan at ang tulakan
Parang balong puno ng tubig lahat ay natandaan
Kung maibabalik ko lang ang takbo ng panahon
Kung ang matatanaw ko ay ang hinaharap sa paglingon
Kung maibabalik ko lang ang takbo ng panahon
Sasabihin ko na minamahal kita
Alas kwatro ng madaling araw ay umuwing lasing
Dinadaan daanan lang kita't hindi pinapansin
Hindi mo na kayang tiisin parang mata na may puwing
Nang ako'y iyong tanungin aking paningin ay nag dilim
Parang malapot na dura ang lumabas na salita
Aking sagot sa iyong tanong ay kumikirot na pasa
Ako'y lumayas tumakas maangas ang pagmumukha
Na parang ahas matalas ang malas kapag tumuka
Halos wala nakong buhay nang ako'y datnan sa ospital
Gusto lo lang malaman mo kung pwede lang mangumpisal
Paano magumpisa aminin bawat isa
Pagtalikod sa pangako natin sa isa't isa
Sating pag sasama ika'y aking isinantabi
Ngunit sa kabila ng lahat ika'y nasaking tabi
Mahirap o madali, umaga man o gabi
Ang ako'y napagsilbihan hindi ka nagmamadali
Alam kong lahat ng nagawa ko sa iyo'y kabaliktaran
Ng tunay kong naramdaman para sa iyo nasayang lang
Nais ko mang malaman mo ngunit lahat ay huli na
Bago masabi ako'y nalagutan ng hininga
Kung maibabalik ko lang ang takbo ng panahon
Kung ang matatanaw ko ay ang hinaharap sa paglingon
Kung maibabalik ko lang ang takbo ng panahon
Sasabihin ko na minamahal kita
Sasabihin ko na minamahal kita