表情 (剧场版)
Popularity · Low
Listen
YouTube
0:00 / 0:00
Loading YouTube player...
Lyrics offset
Synced
Lyrics
[Fi声演]我从来无同你讲过我最钟意你啲咩
就系其实你同我好唔同
你会识得讲好多好多嘢去表达你自己
去令我更加明白你
[Andy声演]我记得,当时我每日都写好多文字俾你
而你就用返好多公仔表情嚟覆我
有时俾一个微笑,有时戚一戚眼眉,有时就眼湿湿
我望见一剔时 再望见双剔时
让我得知你回眸过 在耻笑我多傻
回复我那表情 如取替你心声
[Fi声演]我一路以为你会明白我send俾你每一个表情嘅意思
因为我哋不嬲都系咁样沟通架
谁不气馁 写出一千句百万句
谁的应对 却定要那么的干脆
给我穿心一箭藏证据 当天怎么也得到你默许
相恋时你共我相恋时 手机中数百句我愿意
黄色小脸献著吻 纤巧的细心 卡通标志建立著信心
分手时爱亦变得虚拟 慰问多敷衍了事
再没温馨的莞尔 如同陌生的女子 相恋再不可以
[Fi声演]相处耐咗,我哋嘅角色好似掉转咗咁
我会不停问你嘢,我想打开任何嘅一个话题
但系你都唔理我
你开始收埋自己,乜都唔同我讲
[Andy声演]对唔住呀,喺𠮶段时间因为好多嘢令到我好唔开心
而我亦都唔知点同你解释
我好想好想帮你,但系你无俾机会我呀
因为我睇到你对住我嘅时候,你已经开始无表情
[Andy声演]到后来我肯同你讲返多啲嘢嘅时候
亦都系你决定离开我嘅时候
谁于每晚 渴望心心眼与颂赞
谁的两眼 已换上痛哭跟悲叹
给我伤心撕裂无冀盼 沟通的诗意此际正在散
相恋时你共我相恋时 手机中数百句我愿意
黄色小脸献著吻 纤巧的细心 卡通标志建立著信心
分手时爱亦变得虚拟 慰问多敷衍了事
[Fi声演]慢慢你嘅whatsapp里面开始出现返好多好多嘅文字
但系你写嘅嘢话俾我听,你已经唔系以前嘅你
[Andy声演]所以你就求其覆我呀?
再造鬼脸送予某个人 但情感怎么都不称心
[Fi声演]其实我净系用一个emoji去覆你
你可能会觉得我喺度敷衍或者报复紧
其实我唔系呀,我只系希望用一个小小嘅emoji
去提醒返大家我哋以前系点样
𠮶一刻嘅你、𠮶个表情,先至系我最深爱𠮶个人
多虚拟这段爱多虚拟 习惯用画面去表示
你合手祝福之时 鱼和雁终于告知 相恋再不可以
验证交叉眼那意思
[Fi声演]你可能唔知道
其实你想同我讲嘅每一句说话
都喺你嘅表情里面讲晒