Al Tamarrod
Popularity · Low
YouTube
Searching YouTube...
Lyrics
التمرد مع سبق الإصرار والترصد
ملعونة بالفقر و الجهل والتشرد
ملينا طريق الحفاري بغينا الطريق المعبد
شكون تكونوا تحكموا علينا بالفقر المؤبد
حنايا شعب ساعي حنايا شعب داعي
حنايا شعب كاعي كاعي حيت واعي
واعيين باللي ما بغيتونا نفيقوا نوعاوا
نسيتوا باللي الزنقه مدرسه فيها نقراو
قرينا باللي فالقرايه ديالكم تقاريتوا علينا
قرينا باللي القاري فينا نهايتو حزينه
و علاش حيت حنا غير دراوش
مكتوب علينا الذل نتكمشوا فالهامش
لااا
حنا ماخلقناش غير باش نموتوا
ولا قولوا الدنيا فايته بغينا غير نفوتوا
التفكير مسكين والحل انهزامي
وانا مغربي حر ثوري ودمي حامي
التمرد مع سبق الإصرار والترصد
م س ل م aka متمرد
التمرد
صوت محكوم بالقمع المؤبد
تهمة التحرش السياسي المتعمد
أجي معايا تشوف الزناقي والحوامي المنسية
تشوف خوتك المغاربة اللي ما عندوم جنسية
ما عندوم تعريف ولا حالة مدنية
خلقوا عاشوا ماتوا مجهولين الهوية
مغاربة خوتك يهبشوا فالخبل
مغاربة خوتي و خوتك ياكلوا من الزبل
مغاربة
ناعسين فالزنقة على الكراطن
يموتوا بالجوع والبرد و حد ما بيهم فاطن
وإذا كان البحر يقول شحال من مغربي بلع
ثق بيه إذا قال التريبلي د اللي قطع
أي حلم فبلادي يغتاصبوه كوابيس
أيقلب بياض يستعمروا ابليس
الفقر الجهل الدروغا والبطالة
االمبادئ والضمير قدموا الاستقالة
واش كاتظن الدولة والحباسات كيحاربوا الجريمة
كيحاربوا غير الحرية اللي ما بقات عندها قيمة
لتمرد مع سبق الإصرار والترصد
م س ل م aka متمرد
التمرد
صوت محكوم بالقمع المؤبد
تهمة التحرش السياسي المتعمد
الولقع ديالنا مستنقع وأحلامنا فيه تذوب
ولينا نحلموا أحلام حبلى بالكذوب
أفكار لقيطة تدور فعقليات مريطة
اليأس و الفشل فيروسات نشيطة
حيت المستقبل ولا كنز بلا خريطة
حيت إجهاض الأحلام عملية بسيطة
طموح مغتصبة حامله فيروس فقدان الكرامة المكتسبة
وبلا مناسبة معاكم مسلم aka متمرد فوق الخشبة
وجات الساعة د المحاسبة
الدم و الدموع منشطات الثورة
الخوف و الضعف أحاسيس مزوره
نتوما غامضين وحنايا واضحين
جيناكم قاصحين حيت مقصحين
واش كاتظن بتهمة التحرش السياسي المتعمد
صوتي محكوم بالقمع المؤبد
لتمرد مع سبق الإصرار والترصد
م س ل م aka متمرد
التمرد
صوت محكوم بالقمع المؤبد
تهمة التحرش السياسي المتعمد
لتمرد مع سبق الإصرار والترصد
م س ل م aka متمرد
التمرد
صوت محكوم بالقمع المؤبد
تهمة التحرش السياسي المتعمد