L’alentar d’as piedras
Popularity · Low
YouTube
Searching YouTube...
Lyrics
Buen día, María Loísa,
le fa goi d'amaitinar,
ha sacau as gallinas
mesmo antes d'almorzar.
Veigo a Blas ir con a filla,
de l'hortal ta l'olivar,
y en a fuent de l'armita
belún s'ha meso a cantar.
Cómo han creixiu as ninas
pienso en veyer a Sandra y Chuan
chunto a o parque d'a carrasca,
dimpués dentrarán en o bar.
Antes d'estar una artista
soi a nieta de Pascual
y me guardo as risetas
que me trobo en caminar
enta o zaguán.
No quiero estar una agulla en a ciudat
cacegada en veyer a suya faz.
O lugar ye an que puedo vivir en libertat.
O lugar ye como l'aire, sin duenyo.
O lugar ye o esfuerzo que no quiere emigrar.
O lugar ye un secreto dispierto.
Aturo debant d'as piedras
pa sentir-las alentar,
m'encierto con amigas
quan voi a mercar pan,
a escuela sigue ubierta,
no ye encara o final
como en A pluya amariella
quan a nueit ye capaz
de devorar.
No quiero estar una agulla en a ciudat
cacegada en veyer a suya faz.
O lugar ye an que puedo vivir en libertat.
O lugar ye como l'aire, sin duenyo.
O lugar ye o esfuerzo que no quiere emigrar.
O lugar ye un secreto dispierto.