Skip to content
Lyric
Dive
Public playlists
My playlists
Search
Sign in
ES2AL MGARAB
مروان موسى
Popularity · Low
+
🇦🇪 Arabic · Original
0
0
YouTube
Searching YouTube...
Lyrics
Original
Translation
Bilingual
ياه، ياه، ياه، إحم، إحم، إحم
ما تنساش، أوكيه
الصعوبات إللي بنمر بيها هي إللي بتبنينا
ياه، آه
جربت تقول إللي في نِفسك؟
جربت تصارح نفسَك وتصالح نفسَك وعقلك وإسمك؟
جربت تدوّر ع المعنى الحقيقي وتواجه مرايتك وتسأل؟
جربت تفلس والناس إللي كانت بتعشقك فجأة تفكسلك؟
هأ، ماشي
جربت تقعد عشر أيام من غير بنزين ومطبّق؟
جربت تتعصب في الشغل لحد ما كل الـTeam يتوتر؟
جرّب
جربت تظبط صحاب صحابك فيسألوا مين الواسطة؟
جربت تنزل مول ولا كإن في الهالووين متنكر؟
جربتوا إيه؟ رسوني
جربت تجازف بمستقبلك لأجل العيشة الملوكي؟
جربت نجمة شباك تقول عايزة أوريك تاتوهي؟
جربت تطلع بره القطيع وتودي في عقيدة بطولي؟
لأ؟ ماشي
جربت تفكس آراء الناس وتروح طوالي؟
إذن طب إشرحهالي
جربت تعاند حلمك وتقوله هتحصل المرة دي؟
جربت تتعلم من الكبار من غير ولا فعل يطاطي؟
جربت في دنيا أبيض وإ سود تظهر بحتة رصاصي؟
إسأل مجرب، إسأل مجرب، إسأل مجرب
لاففها زنجة زنجة، حارة حارة، ومجرة مجرة
اسأل مجرب، إسأل مج إسأل مجرب، إسأل مجرب
خبرتي بتتكلم عن نفسها، وسّع، قُلتلك هتصرف
إسأل مجرب، إسأل مجرب
إتأزمت زمان فدلوقتي عمري ما أتورط
إيه، إيه
جربت تخسر؟ (حاول تفتكر)
جربت تبني من الصفر؟ أو عارف أساسًا لو تقدر؟
جربت تسمع "مش عايزة أكمل" في ودنك بميتين ألف ريختر؟
جربت تقعد لوحدك وتقلّب أحزانك لحد ما تسكر؟
هِه، يلا
جربت تشوف بنك الحياة بيستحوذ على ممتلكات قلبك؟
جربت تبص للسما تشتكي إللي عندك ولسه مش لاقيلك ملجأ؟
جربت؟ تتزنق في كام باكو، تكلّم معارفك وكله يستندل؟
جربت؟ وإنت معاكش إللي يكمّل، تقف جنبهم وتُسندل؟
لسه بجرب
لسه بشوف أحسن طريقة أطبخ بيها الخلطة
إللي عاش عمره في حفرة "الحافظ مش فاهم" كان واقع في غلطة
لازم أحقق كل أهدافي أصل دماغي في المرمى
جربت إيه؟ فهمني؟ جربتوا إيه بالظبط؟
لفيت وعشت ودُخت
آه، ناس زبالة وشُفت
شكرًا لكل موقف إبن وسخة أنا برجلي فيه دُست
الحمد لله ع إللي شُفته، لولاه ما كنتش فُزت
إسأل مجرب، إسأل مجرب، إسأل مجرب
لاففها زنجة زنجة، حارة حارة، ومجرة مجرة
اسأل مجرب، إيه، إيه، إسأل مجرب، إسأل مجرب
خبرتي بتتكلم عن نفسها، وسّع، قُلتلك هتصرف
إسأل مجرب، إسأل مجرب
إتأزمت زمان فدلوقتي عمري ما أتورط
إيه، إيه
مبسوطة إنك قعدت معايا
وحكيتلي كل إللي مضايقك
حاسّاك واجهت نفسك، ما هربتش
إنت عارف إن أنا موجودة أي وقت لو حبيت تتكلم
عارف إنك دايمًا هتلاقيني هنا
فما تهربش أبدًا من إللي جواك
(حاول تفتكر)
—الرجل الذي فقـ