Keltoum

Popularity · Low

YouTube

Searching YouTube...

Lyrics

كمال مسعودي . كلثوم كلثوم منام بصري مفتاح الدّار أنا من هواها خلاص فنيت هكذا كاتبة و شاءت لي الاقدار من غيرها في حياتي ما حبّيت """"" كلثوم منام بصري ذيك المسرارة و حزامها اسود فالجهة طلقاتُه """"" قدّها صغير و الخانة دارت إمارة وشعرها طويل فالحواشي مشطاتُه """"" الخد و العيون تضوي كي النوّارة و الشفر بالكحول و الحاجب سوّاتُه اللّي يشوفها يتلّلف باب الدّار و يقول في حياتي عمري ما ريت زينها ساڤني فالطّريق كي العيّار شحال جريت موراها، شحال عييت كلثوم منام بصري مفتاح الدّار أنا من هواها خلاص فنيت هكذا كاتبة و شاءت لي الاقدار من غيرها في حياتي ما حبّيت """"" كلثوم حين تتبسّم بالتبسيمة العيون كلّها و عناصر تسيل """"" السّماء يومها تبقى زرقة ديما و الشّمس كي توادعها حين تميل """"" و اذا بان القمر يعطيها قيمة و النّجوم كي تضوي عليها فاللّيل كلثوم حين تضحك تفرح الاطيار الحمام و اليمام و المقنين الزّين الباز و البلابل تشعر باشعار الاطيار كلّهم راهم فرحانين كلثوم منام بصري مفتاح الدّار أنا من هواها خلاص فنيت هكذا كاتبة و شاءت لي الاقدار من غيرها في حياتي ما حبّيت """"" الكاف كاملة بالزّين الكمال اللّام لون ذاك القد المشموم """"" الثاء ثوبها ما تشريه بالمال الواو ورد مسك و ريحُه مختوم """"" الميم مايلة تسلب الرّجال يحسن قول من سمّاها كلثوم زينها فاق زين عروسة البحار ما كان من قدر ينظرها بالعين صورة مصوّرة ما رسمها صوّار سبحان ما خلق رب العالمين كلثوم منام بصري مفتاح الدّار أنا من هواها خلاص فنيت هكذا كاتبة و شاءت لي الاقدار من غيرها في حياتي ما حبّيت """"" قلبي سجين هواه حليلُه معذور ما صاب باش يرجعلي لمكاني """"" اللّي يشوفني يحسبني مسحور السّهم صابني في حشايا دخلاني """"" بحر الغرام ما يوّصلوه بحور ما يفيد رايس ماهر و لا قرصانِ ماني عوّام ماني رايس بحّار بالله ساعفوني انا قلبي حنين ما كان غيرها يطفي هاذ النّار مسعد حين نلقاها طول سنين مسعد حين نلقاها طول سنين كلثوم منام بصري مفتاح الدّار أنا من هواها خلاص فنيت هكذا كاتبة و شاءت لي الاقدار من غيرها في حياتي ما حبّيت """"" نمدح في بهاها و نقول قليل يا اهل الكلام فيدوني راني ليها دموعي سواقي ويدان تسيل سبايبي كي راني بعيد عليها خاطري ما تهنّى و القلب عليل جوارحي ذبالت شكون يداويها ما فاد طبيب ماهر و لا عقّار لا حكيم لا طالب حافظ الستّين اذا نشوفها مصبوغة الاشفار نقوم من فراشي نبرى فالحين زعمة قلت نكتم سرّي في بير و اسراري ما كان من يعلم بيها """"" و اذا بغيت نمشي ليها و نسير في جنح الظّلام نطير و ناتيها """"" نقطع البحور و الويدان و الدّير الجبال و الغوابي باش نساميها لكن ما قدرت نكتم الأسرار شحال هوّلوني ذوك العينين راهي جوارحي مكويّة بجمار باقي وحيد صابر و القلب حزين كلثوم منام بصري مفتاح الدّار أنا من هواها خلاص فنيت هكذا كاتبة و شاءت لي الاقدار من غيرها في حياتي ما حبّيت """"" الورد و الزهر و النّسري و الياس و الياسمين فاتح مسك و ريحان نوّار الرّبيع صفراوي عسّاس الفل و القرنفل زينُه فتّان من شاف زينها ميّز فيه و قاس ما لوم لامني و ضحى دهشان الفجر حين يطلع حاكم الاوطان قصايد الهوى و دموع الخدّين النّاس نايمة و انا نعاسي طال بين الاوزان و نظامي يا سامعين أنا لشوقها ما صبت ليه حدود ما عرفت روحها سكنت فالضّمير """"" ما طابلي معاش و نفسي مسدود نرجى في سراحي كي سجن الطّير """"" من شاف سيرتي يفهم المقصود ناوي انشاء الله سوى طريق الخير ناظم ذا القصيدة كمال الصبّار و ختمها بالصّلاة على الأمين هو شفيعنا مالهول ذاك النّهار و كريمنا بالجنّة و حور العين كلثوم منام بصري مفتاح الدّار أنا من هواها خلاص فنيت هكذا كاتبة و شاءت لي الاقدار من غيرها في حياتي ما حبّيت من غيرها في حياتي ما حبّيت، من غيرها في حياتي ما حبّيت من غيرها في حياتي ما حبّيت