Skip to content
Lyric
Dive
Public playlists
My playlists
Search
Sign in
Matar - مطار
مروان موسى
Popularity · Low
+
🇦🇪 Arabic · Original
0
0
YouTube
Searching YouTube...
Lyrics
Original
Translation
Bilingual
آه، ماشي، بص
هدّيك سببين، الدنيا غريبة والغيرة في العين
24 سنة بصراحة مش عارف تيّارها واخدني ورايحين على فين
بحب الهزار، بس حاسب النار
عيلتي من البلد وبناخد التار
وقت المعركة مش بدّي إنذار
لازم قرار، حاسس إن أنا في مطار
وصلت متأخر مش لاقي تذاكر
الناحية دي مسافر والناحية دي مهاجر
بس من الآخر، اللي في أصولي ورجولتي ده نادر
وفي زمن السوشال عبادة اللايك بتخلي المحترم كداب ومنافق
واثق من نفسي مش لازم اتّنك في القعدة وأفهم الناس إني خارق
يمكن دي غلطة
شوف الأغاني اللي ضاربة
لا المجال مش في ورطة
طبيعي الغلابة بتدوس على بعض عشان يبقوا في يوم من الأيام العمالقة
مبحبش أشتكي
بحب أبقى واضح مع نفسي وأدوّر وألاقي غلطتي
فعرفت سكتي
هنا في دايرتي، أفكارنا في الجون وكلامنا منطقي
شوفت حب، كره، خيانة، غدر
الكلام رخيص والكدب سهل
بقيتوا ازاي أعداء ما كنتوا الأهل
بقيّم الشخصية مش الشكل
بمناسبة الشكل
ميغرّكش لون الشعر
إنك تقل مني صعب
هتلاقي نفسك اتسرعت
هتلاقي الضرب ورا بعض
حقي مبيتسابش والشخص اللي بييجي في سكتي بفضاله
ولو مش وصلاله ف معايا الكتيبة هنسمم البيرة ونسرب أسراره
في الماضي فوت في مواقف كتير واتخدعت
واتعلمت فيما بعد
إن في اللي بيهرج، لو جت على حسابي هتغابى والذكرى هديها بالكعب
ننسى اللي حصل، لما ينزل المطر
وعد كان بيننا واتكسر
بنثق في كلاب، وبنخوّن البشر، شوفت سخرية القدر؟
بتعلم أحط للناس في التعامل حدود
الدنيا أرانب وأسود
في اللي هيحبك لله بالمجاني
في اللي بيخُون مهما كان المجهود
ممتن لمواقف خلتني ابقى راجل
قدامي اختيار، ربما يكون خاطئ
مش هقعد أماطل
الدنيا بتتغير فـ لازم هنخاطر
هنجازف ونفوز مش هنعيش من سكات
مش بتتشاف ورا الشيش والشباك
بفهم في الفن وبتكلم لغات
فعلا مفيش وقت للتأملات
ولا البكاء
الناس دي بتتباهى بالبخل
في حاجة من الشغل
رايح البلد، راجع من البلد، كل أسبوع عمري ما دوخت
عمري ما كنت أي حاجة غير أسطورة
برا المزيكا أسطورة
الناس دي مجرد مشهورة
في الحقيقة غير الصورة
جوايا وجع مش هينفع يتحكي في أغنية حزينة
خواطر مؤلمة، نفسية تعبانة
عيون مزغللة والنية سليمة
عاملينلي أجانب، وبيكرهوا نفسهم
أرجعوا لأصلكوا الثقافة دي اتهانت
هدّيك سببين، الدنيا غريبة والغيرة في العين
24 سنة بصراحة مش عارف تيّارها واخدني ورايحين على فين
بحب الهزار، بس حاسب النار
عيلتي من البلد وبناخد التار
وقت المعركة مش بدّي إنذار
لازم قرار، حاسس إن أنا في مطار