Skip to content
Lyric
Dive
Public playlists
My playlists
Search
Sign in
Ae Mere Ham Nasheen
Munni Begum
Popularity · Low
+
🇵🇰 Urdu · Original
0
0
YouTube
Searching YouTube...
Lyrics
Original
Translation
Bilingual
اے مِرے ہم نشیں، چل کہیں اور چل
اِس چمن میں اب اپنا گزارا نہیں
اے مِرے ہم نشیں، چل کہیں اور چل
اِس چمن میں اب اپنا گزارا نہیں
بات ہوتی گلوں تک تو سہہ لیتے ہم
بات ہوتی گلوں تک تو سہہ لیتے ہم
اب تو کانٹوں پہ بھی حق ہمارا نہیں
اے مِرے ہم نشیں...
دی صدا دار پر اور کبھی طُور پر
کس جگہ میں نے تم کو پکارا نہیں
دی صدا دار پر اور کبھی طُور پر
کس جگہ میں نے تم کو پکارا نہیں
ٹھوکریں یوں کھلانے سے کیا فائدہ
صاف کہہ دو کہ ملنا گوارا نہیں
ٹھوکریں یوں کھلانے سے کیا فائدہ
صاف کہہ دو کہ ملنا گوارا نہیں
اے مِرے ہم نشیں...
گلستاں کو لہو کی ضرورت پڑی
سب سے پہلے ہی گردن ہماری کٹی
گلستاں کو لہو کی ضرورت پڑی
سب سے پہلے ہی گردن ہماری کٹی
پھر بھی کہتے ہیں مجھ سے یہ اہلِ چمن، ہائے
"یہ چمن ہے ہمارا، تمھارا نہیں"
پھر بھی کہتے ہیں مجھ سے یہ اہلِ چمن
"یہ چمن ہے ہمارا، تمھارا نہیں"
اے مِرے ہم نشیں...
ظالموں، اپنی قسمت پہ نازاں نہ ہو
دور بدلے گا یہ وقت کی بات ہے
ظالموں، اپنی قسمت پہ نازاں نہ ہو
دور بدلے گا یہ وقت کی بات ہے
وہ یقیناً سنے گا صدائیں مِری
کیا تمھارا خدا ہے، ہمارا نہیں
وہ یقیناً سنے گا صدائیں مِری
کیا تمھارا خدا ہے، ہمارا نہیں
اے مِرے ہم نشیں...
آج آئے ہو تم، کل چلے جاؤ گے
یہ محبت کو اپنی گوارا نہیں
آج آئے ہو تم، کل چلے جاؤ گے
یہ محبت کو اپنی گوارا نہیں
عمر بھر کا سہارا بنو تو بنو
دو گھڑی کا سہارا سہارا نہیں
عمر بھر کا سہارا بنو تو بنو
دو گھڑی کا سہارا سہارا نہیں
اے مِرے ہم نشیں...
اپنی زلفوں کو رخ سے ہٹا لیجیے
میرا ذوقِ نظر آزما لیجیے
آج گھر سے چلا ہوں یہی سوچ کر، ہائے
یا تو نظریں نہیں یا نظارہ نہیں
آج گھر سے چلا ہوں یہی سوچ کر
یا تو نظریں نہیں یا نظارہ نہیں
اے میرے ہم نشیں، چل کہیں اور چل
اِس چمن میں اب اپنا گزارا نہیں
بات ہوتی گلوں تک تو سہہ لیتے ہم
اب تو کانٹوں پہ بھی حق ہمارا نہیں
اے میرے ہم نشیں...