تذكرة عشگ
مسلم الوائلي
Popularity · Low
YouTube
Searching YouTube...
Lyrics
ندي تذكرة عشگ محتاج اسافر بيها
سفره لعيونك لجن من يا مدينه ابديها
وين ابحر شراعي
ما يندل الساعي
عندي تذكرة عشگ
عندي تذكرة عشگ
~~
درت كل مجلس عليك
ظرف وبنصه خليت
.. رماد خيام علويه
ييوسف فاطمه هواي
تعبت من الحجي الجاي
.. شبعد يمطول الجيه
متى اتفك للفرج باب
يمهدي شطوله الغياب
.. يريد الثار راعيه
كاتب رساله بدمعتي بس ألمن انطيها
يا ماي يا فيِ يا شمس يمك توديها
كلما شفت مهره الفجر گلت انت راعيها
كلما شفت طفله اعطشت گلت انت ترويها
شبت بگلبي الخيم محتاجك اطفيها
سفره لعيونك لجن من يا مدينه ابديها
~~
يا حلم المساكين
يعيش بحضرة حسين
.. عليك تفرفح الفقره
ألم نشرح يملگاك
يقرآن الفجر ذاك
.. نسمعه بنبرت الزهره
يمهدي انحبك انصيح
عشگ وادم فلاليح
.. نقره الندبه عالفطره
ربوني عالفطره هلي والخدمه عالنيه
شباك جدك من نزوره نشربه اميه
كل الهوه المابي علي ما يدخل الريه
والما يلوذ برايتك معروفه تاليه
يا غيرة الله طلعتك عايش على طاريها
سفره لعيونك لجن من يا مدينه ابديها
~~~~
شنو احساسك يمولاي
من اتمر على الماي
.. وتذكر عمتك بهيمه
هم تحضر تشابيه
وتسمع جدك يصيح
.. اخذوني وعوفوا الخيمه
عذراً لو جرحناك
وقرينه اعله السبي ذاك
.. وذكرنه المجلس وضيمه
ونذكر تفاصيل الجرح وگليبك انكسره
كلهم عزاز المشكله يا موقف انعبره
ومن اخر اوداع العلي والباب والعصره
ونقرالك ارباب العلل بدمعه والحسره
الطف اكبر من الذكر من يا كتر نلغيها
سفره لعيونك لجن من يا مدينه ابديها
~~~
اجيتك مثقل اذنوب
غرت جدمي الدروب
.. اريدك تستر عليه
تايه ما عرف وين
وجيت المجلس حسين
.. يمهدي احجيلك البيه
ابجي وتغسل الشوگ
وگص ذنبي من العروگ
.. ورد عمري عله الريه
اعذرني لو كل جمعه يمك عرضوا اعمالي
والله يا مولاي طيشي يدوم حسبالي
الحمد لله عالخدامه الصلحت التالي
ودموع مجلس فاطمه اليخلد افعالي
هاذي ساعة خدمتك من يا دموع اوفيها
سفره لعيونك لجن من يا مدينه ابديها
~~~
يمولاي انملت جور
برخص الماي النحور
.. عجل ورفع الرايه
ألا من ناصر اتصيح
الكرامه تگوم وتطيح
.. واليعثرونها هوايه
الملح شارد من الناس
المگابر تحلم بياس
.. ومحد ياخذ احجايه
عجل يبن خير العمل مولاي ملينه
الرايات كثرن سيدي وشتبهن علينه
كلمن يطلع معجزه لبياض جفينه
وهواي عدنه اعور گلب مولاي مو عينه
هاذي صهلت مهرتك ودور براعيها
سفره لعيونك لجن من يا مدينه ابديها