Skip to content
Lyric
Dive
Public playlists
My playlists
Search
Sign in
Canzone appassiunata
Eduardo De Crescenzo
Popularity · Low
+
🇮🇹 Italian · Original
0
0
YouTube
Searching YouTube...
Lyrics
Original
Translation
Bilingual
N'albero piccerillo aggiu piantato
Criscènnolo cu pena e cu sudore
Na ventecata giá mme ll'ha spezzato
E tutt"e ffronne cágnano culore
Cadute só' giá 'e frutte: e tuttuquante
Erano doce, e se só' fatte amare
Ma 'o core dice: "Oje giuvinotto amante
'E ccose amare, tiénele cchiù care"
E amara comme si'
Te voglio bene
Te voglio bene e tu mme faje murí
Era comm"o canario 'nnammurato
Stu core che cantaje matina e sera
"Scétate!", dico, e nun vò' stá scetato
E mo, nun canta manco a primmavera!
Chi voglio bene nun mme fa felice
Forse sta 'ncielo destinato e scritto
Ma i' penzo ca nu ditto antico dice
"Nun se cumanda a 'o core", e i' mme stó' zitto!
E mme stó' zitto, sí
Te voglio bene
Te voglio bene e tu mme faje murí
Chiagno p'ammore, e cade 'o chianto mio
Dint'a 'sta testa, 'o chianto 'a sta arracquanno
Schiòppa na bella rosa e i', pe' gulio
A chi mm'ha fatto chiagnere nce 'a manno
Lle dico: "Rosa mia tu mme perduone
Si te scarpesarrá senza cuscienza"
Ce sta nu ditto ca mme dá ragione
"Fa' bene e scorda e si faje male penza"
Pènzace buono sí
Te voglio bene
Te voglio bene e tu mme faje murí