Ji Êvareke Amedê
Popularity · Low
YouTube
Searching YouTube...
Lyrics
Ji êvareke Amedê gazî dikim nekesek
Di devê min de gotinên stranekê dişibe ewran
Ji bîra min çûyî lê li ser zimanê min e, çi bû navê min?
Birînek çavtirsandî me, nikarim xwîn bibim
Ditewe rasteqînî li kulmika demê
Hêdî hêdî kevirek im li vê ber êvarê
Hemû al ji jor da li min dinêrin
Û li vê neqebê kesê ne kurd, hemî tirk in.
Şerm dikim behsa kenê xatûnekê bikim
Di bêrîka min da nasnameyek dişibe çêreke negotî
Aş nabe kela ji nû ve hezkirinê
Û li ser kevirê mezelan pistapista pêşarojekê
Gelo dibe ku yê mirî ez bim?
Li êvareke dişibe esrî, diponijim
Heyv bi bêjnekê bilindtir e ji tavikê
Li dêrîyê mêrdîn qîzên biskrihan gûzan belav dikin
Li jêr hişê min fîkafîka bayê
Hemû neqeb şîrata terikandina vî warî dikin
Dema qismet belav bû di xew da bûm
Min çend zivistan qedand bi cilên zarokên xelkê
Û di bêrîka min da nasnameyek xêrîbîyê tîne bîra mirov
Ez ne darek kizwanê bim, gelo çi me?
Tenêtî sosret e li ber hêt
Li qiraxan ba xwe bi erdê re kaş dike
Li ber serê xewherîmîyan teqereqa alavên şikestî
Nizanim kîjan lampe ma li ber wê çîrokek nexuliqî
Li kîjan quncikê toz bi ser serê min neket
Ev demek dirêj e xwe ji stranekê nas dikim
Navê min î rastîn di şikeftekê da veşartî
Û tama devê min dişibe hilmek cixareya li xurînî ye a rijî.
Li êvarekê Amedê ez ê ji xwe bikim cilên zarokên xelkê
Anha li hember xuşîna şetên Dîyarbekir
Li ber qefka bircan şalekî didirûm, ji kils û ji hecerê
Di bêrîka wî şalî de nasnameyek
Sûretê li ser bi min re dikene
Ax ev ken çiqas dişibe min!