Skip to content
Lyric
Dive
Public playlists
My playlists
Search
Sign in
ลําล่อง สายลมฟ้องว่าน้องลืม
มนต์แคน แก่นคูน
Popularity · Low
+
🇹🇭 Thai · Original
0
0
YouTube
Searching YouTube...
Lyrics
Original
Translation
Bilingual
หนาวหัวใจยามลมต้อง
หัวลมส่าห์เดือนสิบสอง
แม่นลมฟ้องอิหยังหน่อ
หรือว่าสายลมส่อมาชูนกายแต่ละครั้ง
จั่งเย็นจ้อยเข้าใส่ใจเด้น้อ
หล่ะฮู้เหตุผล
ว่าสายลมเป็นห่วงอ้าย
อยากบอกข่าวสาวคนไกล
ว่ามีไผเขามาแฮง
ถืกเพิ่นแชงบ่อนทางโค้ง
หล่ะอ้ายจนงงมื้อเจ่าโทรมาเว้า
ว่าจบกันน้อเฮา
ฟังคําเว้าเจ่าง่ายง่าย
หล่านางเอ้ยอ้ายแป๋ล้มแป๋ตาย
กินสุราอาบน้ําเหล้า
ผู้ใด๋เว้าบ่ได้ยิน
ความหวังพังขาดสิ้นเหลือแต่กลิ่นความเจ็บ
ความหนาวเหน็บในหัวใจ
แม่นเพิ่งไฟบ่พอช่วย
สาวคนสวยเจ้าลืมอ้าย
น้องฮักพี่อิหลีใด๋
ยังจําได้เว้ากับพี่
หล่านางเอ้ย
สัญญาไว้ว่าเดือนสี่
สิหาเงินมาแต่งน้อง
ทองคําพร้อมสร้อยใส่คอ
หล่ะสิ่งบ่ฝันอ้ายกะพ้อ
เวลาเปลี่ยนใจคนตาม
มีคนสามเข้ามาแทน
เอิ้นว่าแฟนน้อแทนอ้าย
เบิดความหมาย
แล้วบ้อชายคนนี้
สิโทษว่าบุญบ่มี
ดอกเด้ออ้ายบ่โทษเพิ่น
หล่านางเอ้ยเจ้าผู้แก้มเปิ่นเหวิน
โตอยู่ไกลใจห่าง
พร้อมอ้ายยอมแพ้ให้แก่เขาเด้น้อ
บ่มีคําสิเว้านั่งกอดเข่ามันเหงาจิต
คือคนเมิดความคิดได้นั่งชึมอยู่คือบ้า
หยดน้ําตาลูกผู้ชายมันไหลย้อย
อ้ายบ่ได้สําออย
แต่มันกลั้นไว้บ่อยู่
หล่านางเอ้ยคนที่หมายเป็นใภ้ปู่
อ้ายคึดนําตั้งแต่เจ้า
บ่มีเจ้าคึดต่อไผเด้น้อ
ล่ะคนที่แม่นแฟนบักอ้าย
พ้อผู้ใหม่ใจเลยเขว
เสียดายเด้คนสุดฮัก
บัดห่างไกลเจ้าลืมอ้าย
เพิ่งเข้าใจฮู้ว่าสายลม
ฟ้องมาส่งข่าวเรื่องความหมอง
ว่านางน้องนั้นลืมพี่
หล่านางเอ้ยลืมอ้ายแล้วอีหลี
คนเมิดหวังแทบสิล้ม
สายลมฟ้องน้องเปลี่ยนใจ
เอ่อ เอ้อ เอ้ย เด้น้อนี้