Skip to content
Lyric
Dive
Public playlists
My playlists
Search
Sign in
I Bi De Peach
Peach Weber
Popularity · Low
+
🇩🇪 German · Original
0
0
YouTube
Searching YouTube...
Lyrics
Original
Translation
Bilingual
Letzti bin ich i de Chile gsi, wieder emol, sit längerem, und
Well ich ha immer scho, jo, s Läbe lang eigentli chli a de Chile zwiiflet, oder
Well ich ha mi scho als Bueb gfrogt, werum de Papst sölli unfählbar sii, oder
Wenn er ned emol fähig isch, sis Bsteck rechtziitig z bstelle, oder so
Wobi, wenn jo de Papst gwählt wird, oder
De isch jo immer dete so das Züg mit em wisse oder schwarze Rauch
Also jenachdem, ob er gwählt isch oder ned
De schwarzi Rauch macheds jo mit Pneu
De wissi Rauch mit Winterpneu
Letzti isch uf de Stross eine uf mi zuecho und de Typ het so usgseh
Wie eine wo scho drü Suizidversüech gmacht het, wo alli klappet hend
So wiene Mischig zwüsche DJ Bobo und Mike Shiva: Mika Chihuahua
Und de isch so richtig uf mi zuegstürmt, oder
Und het gseit: "Sind Sies? Sind Sies?", aber e Huufe mached da, oder
Chömeds und denn: "Sind Sies? Sind Sies?", oder
Do hani gseit: "Jo, i bis", oder und
De het er mir so en Zettel aneghebt und denn hani uf de Zettel George Clooney drufgschribe
Ah, ich hanem nur t Freud ned wölle verdärbe
Ide Vorstellige ine gits jo irgendwie au grossi Überraschige mängisch, oder?
Letzti isch zmitzt ide Vorstellig eifach en Maa uf t Bühni ueh cho
Het s Mikrophon gnoh und het gseit: "Du Peach, nur schnell en Moment"
Und denn luegt er so is Publikum, seit: "Mini liebi Monika, chum doch schnell uf t Bühni ueh"
Do stoht eini uf, oder, und chunt zimli nervös uf t Bühni ueh und
Woner de seit: "Schatz, mer sind jetzt sechs Johr zämä"
Het si scho echli e Träne ide Auge gha und so
"Schatz, ich han e grossi Frog a di: Werum müned mir sone Scheiss go luege?"
Jo, isch härzig gsi, oder, isch
Also ich werd jo mängisch au als Überraschigsgast engagiert
Letzti het mi eine sehr genial aagseit
Het gseit: "Hüt hend mir en Überraschigsgast
Säge de Name noni, denne werded ihr extrem überrascht si, wie gross dass eui Enttüschig isch
Peach Weber"