يا خبر ابيض
Mina Kuriakos
Popularity · Low
YouTube
Searching YouTube...
Lyrics
يا خبر ابيض
يا خبر ابيض يا فَرحتي بالأخبار السارَة
يا سلام يا سلام ده خبر مُفرح ودي أحلى بشارة
شَق السما نَوَّر الأرض
حوِّل الشوك بلمسته وَرد
طرد الموت بقوته طرد
قوته جبارة جبارة جبارة
يسوع المَسيح ده مالوهشي مثيل تعاليمه إلهية
حَي ومُحيي قدوس وحدُه اللي مافوهشي خطية
وبيملا الأيام بالأفراح مِن بَعد مرارة
غَلب الموت بصليبه وقام واللي اتَّبعوه
فايزين بس يا ألف خسارة لكل اللي باعوه
شمس البِر اللي مابيغيبشي اللي لا يتوارَى
هدَّى عواصف مِشي عالمَية ياما شفى أمراض
وخلق سَمك جوه الشَّبك للي بيصطاد
أمَر الطبيعة خضعِت له بكلمة وإشارة
أشبَع جعانين أخرج شياطين أحيا الأموات
مِشي عالأرض وهو المالي أرض وسَماوات
واللي بيؤمن بيه ده قلبه مايبقاش فيه عَكارة
ده عِمَّانوئيل الله مَعَنا كل الأيام
وتجسده ده سر التقوى فوق الأفهام
ضابط الكل بيرعى خَليقتُه بحِكمة ومهارة
زي ماهو رحيم هُوَّ العادل هو الدَّيان
كاشف الأفكار عالِم الأسرار خالق الإنسان
النور والسِّكة مَقَر وبَر لكل حيارى