Skip to content
Lyric
Dive
Public playlists
My playlists
Search
Sign in
الرقصة الأخيرة
EL JOKER
Popularity · Low
+
🇦🇪 Arabic · Original
0
0
YouTube
Searching YouTube...
Lyrics
Original
Translation
Bilingual
بطلت أكلم حد لحد ما حد خد بإيدي
لو مكانتش إقتنعت بيا مكانتش ظهرت عبقريتي
كله أصاب فيما أصاب وأخطأ فيما أخطأ
الحق أحق أن يتبع مهما هنوصل أبطأ
انت عمرك ما اقتنعت بـ قد ايه بنكمل بعض
أنا لاحظت كون الفكرة بتقوى بنقد نقط الضعف
تعدد عصبياتنا في العموم شئ مفيد
وإن استمر الفيل في إعتقاد إن الإله فيل
بلجألك إختصاراً في اللي أنا فيه فعلا محتاجك
مستحيل حد من الصفر لوحده يعرف كل حاجة
ده مش معناه إني أقل ولا إن أنت أعلى
أنا بقفل التآويل وأنت بتغرق في المعنى
لسا معرفتيش من امتى مابتفهمليش ولا كلمة
من ساعة ما كل حاجة معاكي إبتدت تكون مملة
عمرك ما شوفتي حقيقتي ولا فهمتي حقيقة ده كله
كل واحد شاف التاني الواحد اللي حب يكونله
مضطر أسيبك وأمشي، منعاً للمخاطرة
الورقة رافضة أعيشلك وأبقى أزورها كل فترة
أنا بشرح على قد عقولكوا ولسا متفهمش شرحي
انت كلامك مات وانت لسه عايش، انت سطحي
أسئلة القرية دي محدودة جداً عالم تافهة
المدينة دي مبالغ فيها جداً عالم كافرة
البلد دي كاملة جداً بس أخينا عمره ما شافها
بقراها بمدنها بكل حاجة وحيدة بـ إختلافها
ظروفه كانت غير ظروفهم فخرج عن الإجماع
ظروفنا الآن شبه ظروفه فـ اجتمعنا على فتواه
مش فـ صالحك يبقى مثالي طول مانت فـ قمة متعدد
باب الإيمان قصير مبيدخلوش متكبر
سيبيلي حاجة أفتكرك بيها حاجة ريحتك فيها
حاجة استخدمتيها فـ أوقات مش حباني أعيش ناسيها
للهروب من واقعهم للأسف لازم توقيعهم
يؤسفني أقولك في بعض الحاجات شبه طيعهم
بس ده مؤقتاً هما يقولوا بطل وابقى بطل
وأوعى انتظارهم إنك تقع هو اللي يسقطك
وتبدأ النهاية بـ إني أقبل حاجات مرفوضة
واحدة بجمالك انتي فـ بالي صعب تكون موجودة
أجزاء شبه عشوائية سوا تبان مخيفة
أنت سامع مـ الغنوة آله بتعزف صوت مؤامرة سخيفة
اللي فـ صالح السيناريو طول عمري بنفذه
لو أبرهة بيغرق قبل عام الفيل هروح أنقذه
أسئلة القرية دي محدودة جداً عالم تافهة
المدينة دي مبالغ فيها جداً عالم كافرة
البلد دي كاملة جداً بس أخينا عمره ما شافها
بقراها بمدنها بكل حاجة وحيدة بـ إختلافها
معرفتش أشكر مين ساعتها وعدى الموقف عادي
مجاش فـ بالي إن أنا الشخص اللي أنقذ حياتي
براجع نفسي لما ألاقيني تهت في التفاصيل
فـ انفصل عني الجزء اللي مراقبني من بعيد
شايفك يا بلدي بتبصيله وانتي بترقصيله
بصة فلسطيني لإسرائيلي ناهب محصول طينه
في لوحات يادوب فيها بسيب كذا خط ولون
كونوا فـ كل عصر كل رسمة تفيد الكون
غلبانة بتقول للناس إنها بكره هتنسانا
مش عارفة إن اللي يعيش من غيرنا أكيد معاشش معانا
صدقي اللي انتي بتحسيه كدبي اللي انتي بتشوفيه
استخدمي البعد اللي انتي عارفة إنك فـ حضني فيه
كان باين فـ عينيكي الزهق مبانتليش فـ عينك غيرة
قلتلك إني عارف إن دي الرقصة الأخيرة
أسئلة القرية دي محدودة جداً عالم تافهة
المدينة دي مبالغ فيها جداً عالم كافرة
البلد دي كاملة جداً بس أخينا عمره ما شافها
بقراها بمدنها بكل حاجة وحيدة بـ إختلافها
أسئلة القرية دي محدودة جداً عالم تافهة
المدينة دي مبالغ فيها جداً عالم كافرة
البلد دي كاملة جداً بس أخينا عمره ما شافها
بقراها بمدنها بكل حاجة وحيدة بـ إختلافها