Ageffur
Lounis Ait Menguellet
Popularity · Low
YouTube
Searching YouTube...
Lyrics
Mennaɣ ad amneɣ s mbaɛd lmut-im
Akken ad kemm-in-afeɣ deg wayen ibɣan wul-im
Ar ɣur-m ad nawdeɣ,ad waliɣ udem-im
Ahat ad uklaleɣ,amkan s idis-im
Maɛni kra ttargun,ɣef tudert nniḍen
Talfi ad aɣ-t-id-ḥkun,wid id- yuɣalen
Ur walant wallen yella kra ara yilin
Laɛmer id uɣalen ad aɣ-t-id-inin
Laɛmer id uɣalen ad aɣ-t-id-inin
Mennaɣ ad amneɣ ad tṣeggem ddunnit
Akken ssarameɣ ad teffeɣ targit
Ad yeḥkem laɛqel, ayen ilhan ad-yas
Ad yeɣli lbaṭel,ad tekfu nnuba-s
Maɛna amek ara namen,mi ad nẓer i iḍerrun
Wid ara yessirmen,mi yuysen ttrun
Maɛna amek ara yamnen,mi ara ẓerren laẓ
Ɣer wid it-yesnen,mi reglen yettaẓ
Ɣer wid it-yesnen,mi reglen yettaẓ
Mennaɣ ad amneɣ,win ihelken yeḥla
Yal lehlak yellan,ad as-naf ddwa
Mennaɣ ad tuɣal lmut am targit
Yal wa uqbel mi ara iruḥ,ad yarwu ddunnit
Maɛni mačči akka,win tebɣa tɣur-it
Ur nezmir i kra,mi d-tedla tkellex-it
Fell-as nesteqsa,ziɣ teɛjel tewwit
iḍelli yella,ass-agi ulac-it
iḍelli yella,ass-agi ulac-it
Mennaɣ a lukan,iseggasen-nni
Deg wussan yelhan,ad ḥebsen tikli
Deg wussan nniḍen,widak ur nebɣa
Neḥzen neɣ nuḍen,ur ḥebbsen ara
Lameɛni tɣawel temẓi,tṛuḥ tfat
mi nedla tuzzel,tɛedda am tafat
Tudert ur tḥebbes,ur turǧa lebɣi-k
Ma tzemreḍ faṛes,neɣ rfed lqec-ik
Ma tzemreḍ faṛes,neɣ rfed lqec-ik
Abruri lehwa,rnan-d i usemmiḍ
Di tegnawt am ta,d acu ara t-iniḍ
Yettṣubbu-d wagu,yeɣli-d ɣef wallaɣ
Asirem i usefru,limmer ad d-yas ad t-naɣ
Di lḥal yecban wa,d acu ara d-nemmekti
Siwa yir tirga,id aɣ-d-yeǧǧa iḍelli
Tafsut ad tt-narǧu,ul ad as-yekkes lɣem
Ass-n ad d- necnu,isefra n usirem
Ass-n ad d- necnu,isefra n usirem
Ass-n ad d- necnu,isefra n usirem
Ass-n ad d- necnu,isefra n usirem
Ass-n ad d- necnu,isefra n usirem