Skip to content
Lyric
Dive
Public playlists
My playlists
Search
Sign in
Sri Venkateswara Stotram
Armonian, Sai Charan
Popularity · Low
+
🇮🇳 Marathi · Original
0
0
YouTube
Searching YouTube...
Lyrics
Original
Translation
Bilingual
कमलाकुचचूचुक कुङ्कुमतो, नियतारुणितातुलनीलतनो
कमलायतलोचन, लोकपते विजयी भव वेङ्कटशैलपते
सचतुर्मुखषण्मुखपंचमुख, प्रमुखाखिलदैवतमौलिमणे
शरणागतवत्सल, सारनिधे परिपालय मां वृषशैलपते
अतिवेलतया तव दुर्विषहैः, अनुवेलकृतैरपराधशतैः
भरितं त्वरितं, वृषशैलपते परया कृपया परिपाहि हरे
अधिवेङ्कटशैलमुदारमते, जनताभिमताधिकदानरतात्
परदेवतया गदितान्निगमैः, कमलादयितान्न परं कलये
कलवेणुरवावशगोपवधूशतकोटिवृतात्, स्मरकोटिसमात्
प्रतिवल्लविकाभिमतात्सुखदात्, वसुदेवसुतान्न परं कलये
अभिरामगुणाकर, दाशरथे जगदेकधनुर्धर धीरमते
रघुनायक राम रमेश विभो, वरदो भव देव दयाजलधे
अवनीतनयाकमनीयकरं, रजनीकरचारुमुखाम्बुरुहम्
रजनीचरराजतमोमिहिरं, महनीयमहं रघुराममये
सुमुखं, सुहृदं, सुलभं, सुखदं, स्वनुजं च सुकायममोघशरम्
अपहाय रघूद्वहमन्यमहं, न कथञ्चन कञ्चन जातु भजे
विना वेङ्कटेशं न नाथो न नाथः, सदा वेङ्कटेशं स्मरामि-स्मरामि
हरे वेङ्कटेश प्रसीद-प्रसीद, प्रियं वेङ्कटेश प्रयच्छ-प्रयच्छ
अहं दूरतस्ते पदाम्भोजयुग्मप्रणामेच्छया, आगत्य सेवां करोमि
सकृत्सेवया नित्यसेवाफलं त्वं, प्रयच्छ-प्रयच्छ प्रभो वेङ्कटेश
अज्ञानिना मया दोषानशेषान्, विहितान् हरे
क्षमस्व त्वं, क्षमस्व त्वं, शेषशैलशिखामणे