Skip to content
Lyric
Dive
Public playlists
My playlists
Search
Sign in
الشنطة - Al Chanta
Sabine Salamé
Popularity · Low
+
🇦🇪 Arabic · Original
0
0
YouTube
Searching YouTube...
Lyrics
Original
Translation
Bilingual
بضب الشنطة ع العميانة
بغمّض وبهرب بمنامي
ما بشوف ادامي لحدّ ما ألبد ع نيعي
ويتشقف المنظر المغبش حريري
كل ضلع بميلة مفركش
ما تقلي عيب شوف كيف ربينا
وجثث مفحمة ع الشاشة فرجينا
شقينا الأرض طلعو بالبخش ببناية
شوف الفراغ مش فناتير نص الكباية
وقال جيلنا فشل وهو حارب بالعري
ويلي قبلنا فات مستسلم ع الدني
ليجي يقنعك أنو جرّب يغيّر
كانو الثورة رقم وهو معّير
بس منبه يدق بيرجع كل شي عادي
بهالوقت أنا حملت كل حياتي تحت باطي
وهالمرة ع المظبوط عم بفقد أعصابي
ضليت فكر وين ممكن روح
لحد ما اتدركبت ع أرض مسطحة
أنا حيوانة بسفينة نوح
دبحت الحمامة ونطرت الغرقة
فتت باب الهجرة يلي ع شطنا مفتوح
وما من حسّ بالأمان غير بس يقلنا
"سافرت يا أبني؟
شو حلو الله يوفقك
مبروك ع المستقبل
مبروك لأهلك
صار فيك ع مهلك تكبر وتعيش
تتعلم كيف تخبز ع الصبح مناقيش
لو قرفت من الشوق وقلبت ع quiche
بتعرف تلاقي أصلك لو قالو نسيت"
فكرهم صرنا بيض اذا شربنا ل bleach
بس هي الفلة شحط بتخلع الحنك
وأنا مخزنة عتب يوم يوم لأنشنق
ع نمط إنهيار داري
علقاني بعاصفة بزاق
من تمّ وجه لبنان الحضاري
عند الشعور بالوحدة
جرّ من دنيي رحت تجنيد اجباري
هجوم مجنون ع نفسي كاني برا حالي
مش عارفة مين أنا أو كيف
في مطرح تمّي مضيف برامج
مستضيف ضيوف ع الهوا معالج تافه
بلا مدى بس جرّ وهبل
ع الفاضي بعقدها
ما بتبرم بأرضها السيارة بأحلامي
يا معطلة يا بقول ل رفيقتي ادامي
ما عم بعرف الفرق بين نايمة وفايقة
أكيد حقيقي أنك سايقة
وبوعى ب تختي معزورة من نص الوعى
ل راسي يقلي ما حدا معي
بعدها نفس خفيف ومخنوق
عقلي سقفها مفروط
جسمي كلو مهدود
عقلي سقفها مفروط
جسمي كلو مهدود
حدا يقلي وين طير
برجع، بقعد أو ركد
على تعب جديد
وين دكانة قلوب الحديد؟
طب أنتو كيف عملتوها؟
عبينا كل زواية الكوكب وبعدنا كل واحد لحالو
يا ناسي يا استسلم يا غارق
ما عنا منا نتعلّم منن غير كيف نهرب كل الوقت
كل جيل بيخرق صدى الصوت بس بطيارة
وطريق الرجعة مش مقطوعة بس براسو مخلوعة
كراسي بلاستيك بحديقة ع صورة
زكريات البيئة، هون منزوعة هون مزروعة كبريت
وين دكانة قلوب الحديد؟
كيف بحمل ما شوفكن عن قريب؟
بتأدفنا المجرة بظافيرنا منتعلّق ع النار منتقلّب ما حدا بيستأذن
معليش يا ماما إيامنا ضيعانا طول عمرنا لحالنا وما رح نستسلم
بتأدفنا المجرة بظافيرنا منتعلّق ع النار منتقلّب ما حدا بيستأذن
معليش يا ماما إيامنا ضيعانا طول عمرنا لحالنا وما رح نستسلم
ما رح نستسلم
بضب الشنطة ع العميانة
بغمّض وبهرب بمنامي
بضب الشنطة ع العميانة
بغمّض وبهرب بمنامي
بغمّض وبهرب