Skip to content
Lyric
Dive
Public playlists
My playlists
Search
Sign in
خدت من جدعنتى ايه
محمد سلطان
Popularity · Low
+
🇦🇪 Arabic · Original
0
0
YouTube
Searching YouTube...
Lyrics
Original
Translation
Bilingual
طول عمري شايل هم غيري، خدت من جدعنتي إيه؟
كله بيفكر في نفسه، كله بقى همه الجنيه
ما دام مفيش تقدير خلاص وبقى كله بتاع مصالح
يبقى يلا المركب اللي تودي، وقرشي جيبي أولى بيه
اللي بالغالي اشتريته وهو أرخص من التراب
وبعد ما شبع رماني من فوق السحاب
أصله عندي ومش هسيبه وكله مكتوب في الكتاب
وحقي هخده يعني هخده، مش هسامح في الحساب
واللي كنت ساند عليهم وفيهم ظني خاب
واتحوجت في ضيقتي ليهم وفي وشي قفلوا ألف باب
لو هعيش في الدنيا وحدي يتيم ماليش عزوة وصحاب
مش عايزهم وبناقصهم ما دام في وجعي الكل غاب
اللي ما يشيلنيش في شدة ومش بصعب عليه
وكل ما أقوله محتاجلك جنبي مش بلاقيه
تحرم عليا عشرته ولقمتي خسارة فيه
ولو كان في بيننا عيش وملح للكلاب هرميه
اللي يتكلم في ضهري وأنا عمري ما عيبت فيه
مش عايز أعرفه تاني لو رزقي واقف عليه
ولو هموت على بق ماية أموت ولا أشربه من إيديه
بكفاية مسكنة يا ناس متلونة
من غيركم أنا راح يجرالي إيه؟
قدمت الخير سنة اتردلي ملعنة
لا راعيتوا الجدعنة، ولا طرمت فيكوا ليه؟
اللي عارف إيه بيضايقني وتملي قاصد يعمله
وزعلي مش فارق معاه وألف غلطة مسكتله
معادش عندي خلق أسامح في حقي تاني وأتحمله
لو هو مين هستغني عنه وربي وما أعبد لأخسره
كنت ماشي زمان بمبدأ ومن النهاردة هغيره
أصل العشم مبقاش يأكل عيش ولا حد مقدره
اللي مش هيصون جميلي عمري تاني ما هعبره
واللي هطلع راجل معاه ويقل مني هبعتره
اللي ميشلنيش في شدة ومش بصعب عليه
وكل ما أقوله محتاجلك جنبي مش بلاقيه
تحرم عليا عشرته ولقمتي خسارة فيه
ولو كان في بيننا عيش وملح للكلاب هرميه
اللي يتكلم في ضهري وأنا عمري ما عيبت فيه
مش عايز أعرفه تاني لو رزقي واقف عليه
ولو هموت على بق ماية أموت ولا أشربه من إيديه
تعبت خلاص بقى يا وشوش متزوقة
وعايشين ع المرزقة والمصلحة والجنيه
منكم قلبي اتسقى المر بمعلقة
وضاع عمري بعزقة، هبقي عليكوا ليه؟
طول عمري شايل هم غيري، خدت من جدعنتي إيه؟
كله بيفكر في نفسه، كله بقى همه الجنيه
ما دام مفيش تقدير خلاص وبقى كله بتاع مصالح
يبقى يلا المركب اللي تودي وقرشي جيبي أولي بيه