Skip to content
Lyric
Dive
Public playlists
My playlists
Search
Sign in
El Baka Baka
Cairokee - Topic
Popularity · Low
+
🇦🇪 Arabic · Original
0
0
YouTube
Searching YouTube...
Lyrics
Original
Translation
Bilingual
البكا بكا بكا بكا بكا بكابورت
صبرت كتير وعمري ما نولت
عايش في القاع وجالي صداع
عايش في القاع وجالي صداع
وكل يوم تزيد الأوجاع في البكا بكا بورت
نصبوا علينا في حياتنا ولخصوا كل حكاياتنا
انا كنت شاب جميل وكيوت لحد ما خدت أنا بالشلوت
من يومها على أمري مغلوب في دنيا ماشية بالشقلوب
تلوث بصري وسمعي مش قادر أداري يا ناس دمعي
العمر بيجري ومابيرحمش سنين بتعدي ماتتعوضش
أنا ترس في مكنة مش بتدور من صغري وأنا مستني الدور
في البكا بكا بكا بكا بكا بكابورت
صبرت كتير وعمري ما نولت
عايش في القاع وجالي صداع
عايش في القاع وجالي صداع
وكل مادا تزيد الأوجاع في البكا بكا بورت
كل يوم أنا بفرهد وفي ابسط حاجة بتمرمط
الدنيا يا ناس مش سالكة وحياتي عبارة عن عركة
مش عارف اخد انا ساتر ولا عارف اخلع واهاجر
اشارتنا دايماً حمرا وكل حاجة مؤامرة
خدت الشهادة يا عزيزي وحطتها في ارابيزي
وانت عارف انا اقصد ايه ماهو انت كمان حطيتها يا بيه
في البكا بكا بكا بكا بكا بكابورت
صبرت كتير وعمري ما نولت
عايش في القاع وجالي صداع
عايش في القاع وجالي صداع
وكل مادا تزيد الأوجاع في البكا بكا بورت
أحلامي حلوة يا ناس للكل نعيش أنا وانت زي الفل
أحلامي دايماً منبوذة في وسط عقول عجوزة
كان ذنبي ايه اشيل الهم وغلطتي إني حاولت احلم
محبوس انا جوة البكابورت اتكلمت وقولت وثورت
حاولت اطلع فوق واجرب خدت الصابونة قبل ما اقرب
تهت خلاص واتسوحت اللي فوق عاوزينك تحت
في البكا بكا بكا بكا بكا بكابورت
صبرت كتير وعمري ما نولت
عايش في القاع وجالي صداع
عايش في القاع وجالي صداع
وكل مادا تزيد الأوجاع في البكا بكا بورت