La bella Cecilia
Popularity · Low
YouTube
Searching YouTube...
Lyrics
E la bella Cecilia ha persu lu maritu
L'hannu misu in prigioni, lu vonnu fucilá
E si parti Cecilia e va dal capitanu
"Signuri Capitanu, 'na grazia m'hai de fa"
"O mia cara Cecilia, la grazia tua é fatta
Dormi cu me 'na notti, maritu t'ha libertá"
Quandu era menzanotti Cecilia suspirava
"Chi n'd'hai bella Cecilia:'sta notti 'un poi durmi?"
Si alza la Cecilia, s'affaccia a lu barcuni
Vidi chi lu maritu é postu a lu tagliuni
"Signuri capitanu, a me tu m'hai traditu!
L'onuri m'hai levatu, maritu mi ha' fucilá!"
"O mia cara Cecilia non c'esti cchiu chi fari
Ti duneró a 'nu Conti oppuri n'Imperaturi"
"No, no non voglio Conti e mancu all' Imperaturi
Vulia lu me' maritu, chi mi vuliva beni!!"
Chiamau li servituri: "Cacciati a chista fôri
Li vermi si la mangianu, la terra n'é patruna!"
"Signuri sacristanu: portatimi in sepultura
Cu na torcia a li manu, 'ché l'ura di chiangeri
Supra 'na petra di marmoru ci lassu 'na scrittura
Ognuno chi passa, leggeri la mia mala sventura
Vi pregu vermi e surici 'sti carni non tuccati
'St' occhi annarcati niuri, ssi labbra zuccarati
Ca sunnu di Cecilia muglieri sventurata
Ca pe' salva' 'u maritu a morte é cundannata