Skip to content
Lyric
Dive
Public playlists
My playlists
Search
Sign in
Ya Masry Leh
علي الحجار
Popularity · Low
+
🇦🇪 Arabic · Original
0
0
YouTube
Searching YouTube...
Lyrics
Original
Translation
Bilingual
يا مصري ليه دنياك لخابيط، والغُلب محيط
والعنكبوت عشش عالحيط، وسرح عالغيط
يا مصري قوم هش الوطاويط، كفاياك تبليط
صعبة الحياة والحل بسيط، حبة تخطيط
فتحت باب استيرادك وصرفت فوق ضعف إيرادك
فتحت باب استيرادك وصرفت فوق ضعف إيرادك
حلي للخواجة استكرادك، سابك بتقرا في أورادك
وده قشَطّكْ ونزل تشفيط
يا مصري ليه دنياك لخابيط، والغُلب محيط
والعنكبوت عشش عالحيط، وسرح عالغيط
ومهولاتي تحب تزيط
ساعة الفرح زغاريط تنطيط
ومهولاتي تحب تزيط
ساعة الفرح زغاريط تنطيط
وفي المياتم هات يا صويت
وفي المظاهرات سخن تشيط
وفي الإنتخاب تنسى التصويت
يا مصري ليه دنياك لخابيط، والغُلب محيط
والعنكبوت عشش عالحيط، وسرح عالغيط
وليه بترشي وتتساهل، وتضيع حقوقك بالساهل
وليه بترشي وتتساهل، وتضيع حقوقك بالساهل
تستاهل النار تستاهل، يا غويط ويحسبك الجاهل
ساهل وساهي وغبي وعبيط
يا مصري ليه دنياك لخابيط، والغُلب محيط
والعنكبوت عشش عالحيط، وسرح عالغيط
يا مصري ياللي الغلا عاصرك
والنهب في عصرك حاصدك
يا مصري ياللي الغلا عاصرك
والنهب في عصرك حاصدك
قوم للحياة واسبق عصرك
ولا حاجة هترجع مصرك
إلا أن تكون شغال ونشيط
يا مصري ليه دنياك لخابيط، والغُلب محيط
والعنكبوت عشش عالحيط، وسرح عالغيط
يا مصري قوم هش الوطاويط، كفاياك تبليط
صعبة الحياة والحل بسيط، حبة تخطيط
يا مصري ليه دنياك لخابيط، والغُلب محيط