Skip to content
Lyric
Dive
Public playlists
My playlists
Search
Sign in
ناصر كان اذكي من رفاعي
Eslam Kabonga
Popularity · Low
+
Original
0
0
YouTube
Searching YouTube...
Lyrics
Original
Translation
Bilingual
أيوة، خمسة علينا خمسة
إحنا عجماوية وبحراوية ومافيانجية
إحنا اللي نخش المية وما نتبلش
إحنا اللي وقت الحكايات ما بنحلش
بقولك إيه يا فيجو يا دخلاوي
مونس بيقولك قولهم
حد يعرف يعمل الحركة دي
يمشي بجنبك زيك
فيجو الدخلاوي
تعمل جدع هتاخد إيه؟
إعمل فلوس هتبقى بيه
الزمن ده عايز النزيه
مش عايز الصايع السوابق
تعمل حنين هيدوسوك
إعمل قاسي يحترموك
قرشك هو صاحبك وأخوك
هتفضل وسطيهم مسابق
ما فيش جدعنة من النهاردة
أنا مش هعدي أي غلطة
هرد الضربة بألف خبطة
ما فيش المسامح كريم
أنا قلتهالكو كذا مرة
لو هتيجوا في خصومة يلا
هاتوا أبطال تسند من برة
عشان حربي معاكم جحيم
عجماوي من أرض البيطاش
على إسمه وسيرته عاش
عامل حدود، ما تعديهاش
هتعديها هيقل منك
مونس بيقول أنا ما إنتهتش
أنا لسه زي ما أنا وحش
هتقول كلام ما بيتبلعش
مش هعتمد إسمك وسيرتك
خصمي اللي عامل فيها خفاش
بيشوفني يشغل الرعاش
طلبته في الجولة ما جاش
قالي أنا ساعة وهبقى عندك
قعدت ساعة مستنيه
ما جاش، رحت مدوّر عليه
لقيته واقف مع البيه
بيقوله أنا في حماية سعادتك
خصمي طالع طلعة أبوه
مرشد وبيسلّم أخوه
الناس في شارعه بيشوفوه
بيقولوا كده التويوتا جاية
المهنة واخدها بالوراثة
بيدرس الإرشاد دراسة
يا إبني إنت تربية رقاصة
أبوه تعبان ومامته حية
إسمك بسلاحي هشطبه
هتجيب فلان أنا هضربه
معاك في اللي إنت هتطلبه
هلعبك يدوي وبسلاح
بس في شغل التكريت ماليش
ما تجيش تقف، ما تجسنيش
نزل عينك، ما تبصليش
إسحب، بلاش تعمل سياح
ناصر كان أذكى من رفاعي
رفاعي قال حقي بدراعي
بس ناصر فاهم وواعي
جاب حقه بدماغ الشيطان
معنى الكلام يا عم إصحى
البقاء للأذكى مش للأقوى
أخد الحق حرفة وصنعة
مش بالسلاح والطيران
كرسي الرجولة فاضي ليه؟
خلصوا الرجالة ولا إيه؟
سؤالي حد يجاوب عليه
ليه الجدعان في زماننا شحّوا؟
حتى الصحاب ما بقتش سالكة
قاعدين جنبي في كل فركة
لما قلت معايا عركة
عملوا فصلين، قعدوا يكحّوا
أنا أبقى العاقل المرزمن
بس مجنون في عراكي يمكن
مش أنا الفاصل المكتمن
ما بقعدش في قعدة بصب
بس محبوب وإسمي واصل
بتيجي سيرتي يقولوا راجل
في كل ليه بلد زمايل
ومتلقب بحبيب الشعب
أخويا اللي أنا أموت لأجله
هو اللي قلبي على قلبه
بحبه عشان صاحب صاحبه
وزير الجدعنة والتقدير
بيحبني من غير مصالح
بيحب يشوفني وأنا ناجح
على خط الموت معايا رايح
صاحبي ما فيش منه كتير
أنا إخترتك من بين كتير
بسببك إنتي بقيت بغير
بينا حب وغرام كبير
حياتي معاكي ليها طعم تاني
بحب فعل مش كلام
علمتيني معنى الغرام
حبيبتي أم نص لسان
بنت الذينة مجنناني
أرض البيطاش جابت نزيه
تراب جيهته يتشرف بيه
ممنوع حد يجي عليه
عشان محبوب من الجميع
صايع بس صياعة نضافة
إسم وواجهة مشرفة
مونس شبع من الصيت وإكتفى
ما بيشتريش اللي بيبيع
معلم المعلمين
إسمه يساوي ملايين
اللي مشرف المنشية
أبو عز سكته يمين
عربيته يديها الغيار
يطير أسرع من الطيار
الچنتل زياد عبد الفتاح
مش بيهدي قصاد الرادار
تعظيم سلام عظيم يا نسر
يعني الكلام لباشا مصر
يعني الباشا زياد بيه علي
المحترم سيره وأصل
راجل جدع وفعله يثبت
المتصيت يحيى المتصيت
اللي مشرف كل إخواته
راجل أصولجي، مش بيغلط
متصيت من مصر لإيطاليا
إسمه يشرف أي دولة
الفخم عمر الدمبوسكو
ممنوع معاه أي مزاولة
إسلام كابونجا ده الدبابة
جدوفلي أصل الأصل البابا
مانو الجاحد جاحد الكتابة
فيجو الدخلاوي ده شبحنا
وليد لمبادا والقناص
مصطفى دولسيكا الأساس
هتيجي علينا هتداس
وكده خلصت وروحنا