Achimi
Popularity · Low
YouTube
Searching YouTube...
Lyrics
Leqrun i iεedan, εeddan,
Mazal wiyaḍ deffir-sen,
Ur neẓṛi d-acu i n-ğğan,
Ur neẓṛi d-acu ara d-ğğen,
Ahat s-wayen yellan
A nefhem d-acu i d-aɣ yuɣen?
Ahat ajenwi iɣ yezlan
D-netta a d-aɣ d-isekren?
Win i ɣ-d-yusan
Yewwi-d Rebbi-s d-amεiwen,
Anga i d-aɣ d-ufan
I ɣ-ğğan wid i ruḥen,
Kemmlen i d-yuggwran
Ula d-Rebbi d-ayla nsen!
Acimi? acimi? acimi?
Tafat tefrari
Mkul lğiha tecreq,
Ccedda tefsi
Ɣef wid inudan lḥeq
Yiwen ur d-aγ d-yenni
Ma d-tas nuba a nenṭeq
Acimi? acimi? acimi?
Yiwen ma yeffreɣ
Awid kan ad yilli nsen,
At erren a d-yeffeɣ
D-lemxeyer gerasen,
Win yecḍen ɣurneɣ
Ketren ɣures ijenwiyen
Acimi? acimi? acimi?
Nuɣal d-aεdawen
Nettemcarag gar-aneɣ
Win i d-iruḥen
Irrefed iman-is yes-neɣ
Ɣer leğnas-iḍen
Mechuret lefhama-nneɣ
Acimi? acimi? acimi?
S kra nezmer i ccwal
Mi ilaq, ur s-nezmir-ara,
Mi d-iwet uḥemmal
A ɣ-d-iğğ nendeh mi iεeda,
Ɣef tgucrar nuɣal
Zdat welɣum di Ṣeḥṛa...
Acimi? acimi? acimi?
Nsaεb i tikli
Tikli-nneɣ ur ttnefhim-ara,
Nesaεb i tdukli
Ur nettemyaεqal-ara,
Ɣas akken ur neɣli,
Leqrun ur ɣ-zmiren-ara
Acimi? acimi? acimi?
Ayen yelhan, ma nneγ,
A t-ig Rebbi d-lemxeyyer,
Ad-tekk segneɣ
An-nezwir ɣures at neḥqer,
Fell-as a tt-nesbeɣ
Mebla ameyez d uciwer
Acimi? acimi? acimi?
S-lmux d-yiles
Nzemr a nḍeber ɣef lqum,
Yiwen ur ɣ-tt-itekes
Nezmer i uberrez lehmum,
A wi iččan times
Ṣaḥḥa di zzehr-nneɣ amcum!
Acimi? acimi? acimi?